Biblioteca Municipal de Ames
Continuamos coas actividades do curso escolar co programa de Lúas e Estrelas para que leas.
Lembramos que as actividades se realizarán durante todo o curso, normalmente, a primeira e terceira semana de cada mes.
No mes de decembro contaremos coas seguintes actividades:
Contacontos para maiores de 3 anos:
Todos os contacontos serán ás 18h.
Nova na Web Municipal: Máis lúas e estrelas para animar á lectura
La Voz de Galicia: As bibliotecas escollen a astronomía para a campaña de animación á lectura
Continuamos coas actividades do curso escolar co programa de Lúas e Estrelas para que leas.
Comezamos outro ano máis coas actividade de animación á lectura na Biblioteca.
Actividade de dinamización que contará con Anxo Fariña, escritor e ilustrador da obra.
"Xoel e Lorena son dous rapaces que se atopan en Venecia co seu tío Xurxo. A súa volta á casa vai ser diferente da agardada. Na súa vila, ninguén pode falar, e tampouco escribir. Algo moi estraño acontecera, e non foran os únicos, nas vilas veciñas pasaba o mesmo..."
Queres saber como continúa a historia? No obradoiro axudarás a desentrañar este misterio. Ademais poderás crear debuxos a partir de letras e palabras.
Obradoiro dirixido a nenos e nenas de 4º, 5º e 6º de primaria
Data e lugar de realización:
Inscrición:
Do 22 de setembro ao 3 de outubro nas escolas, nas bibliotecas e no SNL (no Pazo da Peregrina)
As prazas son limitadas polo tanto precísase inscrición previa
Organizan:
Biblioteca Municipal e Servizo de Normalización Lingüística
Colaboran:
Equipos de Normalización Lingüística das Escolas do Concello
Duración:
Terá unha duración de 60 min.
As persoas inscritas serán informadas da hora na que lles corresponderá participar.
A Biblioteca de Ames vai participar cunha comunicación no IV Congreso Nacional de Bibliotecas Públicas, que, co lema A Biblioteca Accesible, se vai celebrar na Coruña do 24 ao 26 de setembro. Esta convocatoria bianual está organizada pola Dirección General del Libro, Archivos y Bibliotecas do Ministerio de Cultura, en colaboración coas Comunidades Autónomas, a FEMP, fundacións e asociacións profesionais de bibliotecas.
La Voz de Galicia: Ames mostrará su sistema de exploración virtual a las bibliotecas de toda España
El Correo Gallego: Ames asiste al congreso nacional de bibliotecas
Entre os meses de xullo e agosto pasaron polas Bibliopiscinas de Ames 7784 persoas. Máis de 1000 persoas de diferenza con respeito ao ano 2007 no que se chegou á cifra de 6371 participantes.
Aínda que o tempo este verán non axudou moito a que as persoas se animasen a bañar, as bibliopiscinas conseguiron abrir máis días que o ano anterior. Este é un dos motivos polos que a participación foi maior este ano.
Por idades os nenos e as nenas foron os maioritarios no uso con 4756 participantes mentres que os adultos chegaron a 3028. Por xéneros as nenas apenas superan aos nenos no tramo infantil pero nos adultos as mulleres superan con moita diferenza aos homes: 1733 frente a 1295.
Por Bibliopiscinas a máis utilizada foi a de Tapia con 3985 usuarios, seguida do Milladoiro con 1817 e Bertamiráns con 1162.
Actividades:
En canto ás actividades o número total de participantes foi de 992, 100 participantes máis que no ano 2007 no que se chegou a 893 asistentes. A este número hai que sumar os participantes da festa de despedida o día 31 de agosto en Tapia na que asistiron unhas 300 persoas.
As actividades foron dedicadas durante cada semana a unha temática diferente.
En cada sesión, as “contacontos” Raquel García ou Marta Ortiz narraban e dramatizaban varios libros relacionados coa temática desa semana. A continuación a contacontos e o persoal da bibliopiscina realizaban un obradoiro que continuaba, mediante a realización de manualidades, coa temática da semana.
En cada bibliopiscina a temática semanal ía acompañada dunha pequena exposición dos libros existentes na biblioteca sobre esa temática. Os materiais realizados eran despois utilizados para adornar as bibliopiscinas. Así realizáronse un dragón, un libro de viaxes... e outros obxectos que os nenos e as nenas asistentes podían despois ver na bibliopiscina sentíndose así máis partícipes da mesma.
Festa:
Na festa, realizada o 31 de agosto, contouse coa participación dunhas 300 persoas que participaron dos xogos e obradoiros realizados pola empresa Xandobela, encargada de xestionar as Bibliopiscinas este ano, ou que asistiron ás actuación de títeres realizada por Títeres Seisdedos co espectáculo Varietés e ao espectáculo Canta Connosco do Grupo teatral-musical Migallas.
Outras noticias relacionadas:
Unhas 300 persoas despídense das Bibliopiscinas cunha grande festa
As bibliopiscinas recibiron este verán 1000 visitantes máis que en 2007
Festa das Bibliopiscinas o
Feirón: ás 17h.
Teatro: Títeres Seisdedos coa obra "Varietés": ás 18h.
Música: Migallas "Canta connosco": ás 19h.
En setembro do ano pasado realizouse un expurgo de fondos da biblioteca. O expurgo consistiu en retirar libros en mal estado, obsoletos ou duplicados. Unha vez realizado isto, foron dados de baixa da base de datos de fondos da biblioteca eliminóuselles o rexistro e seláronse coa palabra "expurgo" para que non dean lugar a confusión.
Continuan as actividades de animación á lectura nas Bibliotecas. Neste caso dirixida a nenas e nenos dos 3 aos 8 anos. As sesións realizaranse o mércores 6 de agosto ás 12:00 na biblioteca de Bertamiráns e o xoves 7 de agosto á mesma hora na do Milladoiro.
Os nenos e nenas da Escola de Verán do Milladoiro visitarán a biblioteca os días 28 e 29 de xullo. Os nenos e nenas contarán con sesións de contacontos e actividades realizados polo persoal de animación da biblioteca.
No pasado mes de maio realizouse unha enquisa de valoración do servizo municipal de bibliotecas entre os usuarios da mesma. Unha vez analizados os datos presentamos o resultado da mesma.
No ano 2008 o servizo cumpre 4 anos desde o inicio do cambio na Biblioteca Municipal. Este cambio foi motivado pola necesidade de crear un servizo bibliotecario moderno que respondese ás necesidades da poboación dun Concello dinámico e en continuo crecemento cunha grande proporción de poboación nova.
Agora, pasado estes catro anos, crimos conveniente realizar este procedemento de toma de datos da opinión dos usuarios realizado mediante unha enquisa que recollese a opinión global sobre o servizo.
O obxectivo é conseguir ter nas nosas mans unha radiografía do que é a Biblioteca Pública de Ames segundo a opinión dos seus usuarios. Servir tamén de punto de referencia para análises posteriores e futuras enquisas que se poidan realizar conseguindo unha valoración global de toda a organización e tendo un instrumento básico para futuras planificacións e decisións.
Pódese consultar o relatorio completo ou só as conclusións.
Durante os meses de xullo e agosto as bibliotecas levan os seus servizos ás piscinas municipais e á área recreativa de Tapia coas bibliopiscinas.
HORARIOS:
III FESTA DAS BIBLIOPISCINAS:
O 17 de Maio ademais do Día das Letras Galegas, celébrase tamén o Día de Internet. Desde a Biblioteca queremos comemorar esta data facilitando aos nosos usuarios o acceso a recursos electrónicos que poderán ser consultados desde calquera lugar.Estes son os recursos facilitados:
E-junior:
Enciclopedia electrónica dirixida aos escolares de primaria e primeiro ciclo de secundaria, adecuada aos contidos curriculares que se desenvolven nestas etapas.
Libros electrónicos:
Acceso a obras de referencia en formato electrónico sobre o Antigo Exipto, filosofía, música, relixión e saúde.
Ocenet Saber:
Especificamente feito para bibliotecas, con máis de 200.000 artigos en castelán. Ofrece información de referencia, artígos de revistas e publicacións especializadas, documentos históricos transcritos ou dixitalizados, clásicos literarios, imaxes, cartografía, atlas de anatomía, interactividades, enlaces de Internet e dicionarios.
Ocenet Salus:
Contidos sobre saúde, nutrición e educación en saúde. Ofrece obras de referencia médica, de nutrición, de coidado persoal e de medicinas alternativas, obras formativas, publicacións especializadas, protocolos de enfermería, sección de educación para a saúde, atlas de anatomía, dicionarios médicos e enlace a páxinas web recomendadas.
Como acceder a estes recursos?
O acceso é a través do portal da Rede de Bibliotecas de Galicia. Aquí temos un acceso directo a estes recursos. Quen desexe coñecer toda a ruta para navegar desde o fogar é a seguinte:
Rede de Bibliotecas de Galicia>Biblioteca Dixital>Recursos electrónicos: seleccionar o recurso desexado e entrar cos seguintes datos:
Escoller indistintamente a Biblioteca: Milladoiro ou Bertamiráns
Uusario: número de socio da biblioteca
Contrasinal: NIF (números, guión, letra: exemplo: 012345678-L)
Lembra que estes datos son necesarios para todos os recursos electrónicos excepto para a Prensa histórica dentro da Hemeroteca Dixital ao que pode acceder calquera usuario.
Problemas no acceso?
Todos os socios da Biblioteca foron incorporados automaticamente a este servizo. Se tes algún problema para acceder ponte en contacto coa biblioteca e resolveremos o problema de acceso.
