Horarios de inverno

A partir do día 1 de setembro os horarios de inverno serán:

De luns a venres de 10 a 13 e de 16 a 21h.
Sábados de 11 a 14h.

Festa das Bibliopiscinas

Festa das Bibliopiscinas o Domingo 31 de agosto na Praia Fluvial de Tapia* a partir das 16,30h.

Feirón: ás 17h.

• xogos e obradoiros simultáneos

Teatro: Títeres Seisdedos coa obra "Varietés": ás 18h.

• homenaxe aos artistas de rúa. Espectáculo de marionetas

Música: Migallas "Canta connosco": ás 19h.

• combínanse as cancións do disco do mesmo nome con accións dramáticas

*En caso de mal tempo a festa trasladarase ao Pavillón Polideportivo de Bertamiráns.



Noticia na web do Concello: Xogos, obradoiros, marionetas e cancións pecharán as Bibliopiscinas.
Noticia en La Voz de Galicia: La playa fluvial de Tapia acogerá el día 31 la fiesta de clausura del programa de las bibliopiscinas.

Nova vida para os libros

En setembro do ano pasado realizouse un expurgo de fondos da biblioteca. O expurgo consistiu en retirar libros en mal estado, obsoletos ou duplicados. Unha vez realizado isto, foron dados de baixa da base de datos de fondos da biblioteca eliminóuselles o rexistro e seláronse coa palabra "expurgo" para que non dean lugar a confusión.


Agora, unha vez que se aprovou a súa eliminación da biblioteca, estes libros están disponíbeis para quen os desexe. Nas bibliotecas de Bertamiráns e do Milladoiro temos ao voso dispor estes libros para que os podades consultar e, quen estexa interesado nalgún, pode quedar con el.

Démoslle unha nova vida aos libros!

Os Contos do revés

Continuan as actividades de animación á lectura nas Bibliotecas. Neste caso dirixida a nenas e nenos dos 3 aos 8 anos. As sesións realizaranse o mércores 6 de agosto ás 12:00 na biblioteca de Bertamiráns e o xoves 7 de agosto á mesma hora na do Milladoiro.

Os contos que interpretarán as animadoras á lectura son As tres porquiñas, Onde está o nariz de Pinocho?, Os calzóns do emperador e A auténtica historia dos tres porquiños. Os propios títulos xa nos indica que se trata de historias actualizadas, rompendo en moitos casos con estereotipos onde os personaxes son só masculinos e moitas veces pobres de espírito. Estes autores cambian os valores dos contos dando voz a protagonistas femininos e aportando novos valores baseados na tolerancia e a solidariedade. Para asistir non é preciso estar apuntado, só achegarse ata o lugar e datas indicados. Esta actividade organízase por segunda vez este verán. Xa no mes dexullo, unhas 75 persoas asistiran ás sesións de Contos do revés.

Noticia na web do Concello.