Actividades de Animación á lectura: curso escolar 2008-2009

Comezamos outro ano máis coas actividade de animación á lectura na Biblioteca.

Para este curso 2008-2009 a temática escollida é a astronomía.

O lema elixido para este ano é "Ven á biblioteca: teremos lúas e estrelas para que leas!" e como o nome indica a maior parte das actividades realizaranse na biblioteca sendo os nenos e nenas das escolas, garderías e unitarias as que virán á biblioteca a realizar actividades de animación á lectura.

Os contacontos irán destinados a nenas e nenos maiores de 3 anos nas bibliotecas e nos locais sociais de Aldea Nova, Aguapesada e Bugallido, e consistirán na narración oral de contos seguido de obradoiros ou outras actividades. Realizanse quincenalmente nas bibliotecas e mensalmente nos locais sociais.

Novidades:
As actividades dirixidas a nenos e nenas de 9 a 12 anos pasarán a realizarse os sábados intercalando a temática escollida de astronomía con outras temáticas e consistirán principalmente na realización de obradoiros. Será necesario inscribirse previamente para poder participar.

Iremos informando periodicamente das actividades de cada mes.

Programa para o mes de Outubro:

• Luns 13: Contacontos, de 3 a 9 anos

Lugar: Local Social de Augapesada
Horario: 18:00h

• Martes 14: Contacontos, de 3 a 9 anos

Lugar: Local Social de Bugallido
Horario: 18:00h

• Mércores 15: Contacontos, de 3 a 8 anos

Lugar: Biblioteca do Milladoiro
Horario: 18:00h

• Xoves 16: Contacontos, de 3 a 8 anos

Lugar: Biblioteca de Bertamiráns
Horario: 18:00h

• Venres 17: Contacontos, de 3 a 9 anos

Lugar: Local Social de Aldea Nova
Horario: 18:00h

• Sábado 18: “O ladrón de palabras” co ilustrador Anxo Fariña

Lugar: Biblioteca do Milladoiro
Idades: 4º, 5º e 6º de primaria
Require inscrición previa

• Sábado 25: “O ladrón de palabras” co ilustrador Anxo Fariña

Lugar: Biblioteca de Bertamiráns
Idades: 4º, 5º e 6º de primaria
Require inscrición previa

Na web municipal: Retornan as actividades de animación á lectura organizadas pola Biblioteca
A prensa fala de nós: en La Voz de Galicia do martes 14 de outurbo pubícase unha reportaxe sobre a Biblioteca: Os máis pequenos coñecen os libros baixo as estrelas e As actividades empezaron con contacontos.