Actividades de Animación á lectura: Novembro

Continuamos coas actividades do curso escolar co programa de Lúas e Estrelas para que leas.

Lembramos que as actividades se realizarán durante todo o curso, normalmente, a primeira e terceira semana de cada mes.

No mes de novembro contaremos coas seguintes actividades:



Actividades de 9 a 12 anos:

Obradoiro de astronomía realizado pola Clube Vega de Astronomía dentro do programa Astronomía na Beirarrúa da Universidade de Santiago.

• Sábado 22: ás 11,30h. na biblioteca do Milladoiro
• Sábado 29: ás 11,30h. na biblioteca de Bertamiráns

Para participar nesta actividade é necesario inscribirse previamente nas bibliotecas entre os días 3 e 10 de novembro.

Contacontos para maiores de 3 anos:

• Mércores 5: na biblioteca de Bertamiráns
• Xoves 6: na biblioteca do Milladoiro
• Luns 17: no local social de Augapesada
• Martes 18: no local social de Bugallido
• Mércores 19: na biblioteca do Milladoiro
• Xoves 20: na biblioteca de Bertamiráns
• Venres 21: no local social de Aldea Nova

Todos os contacontos serán ás 18h.

Noticia na web do Concello: Contacontos e obradoiros sobre astronomía seguirán animando os nenos e nenas a ler.
Noticia en La Voz de Galicia: Máis estrelas que no cine.

A Biblioteca de Ames no programa España Directo de Radio Nacional de España

O Xoves 23 de outubro ás 12 da mañá o programa España Directo de RNE, dirixido por Mamen Asencio, emitirá en directo desde a Biblioteca Ánxel Casal de Santiago. Este programa estará dedicado a comemorar o Día da Biblioteca que se celebra, desde fai varios anos, o 24 de outubro.

Este ano Galicia é a Comunidade autónoma escollida para celebra esta efeméride, e a Biblioteca Pública de Santiago Ánxel Casal será a biblioteca anfitriona deste evento organizado pola Asociación de Amigos del Libro Infantil y Juvenil, en colaboración co Ministerio de Cultura e a Xunta de Galicia.

O día 24 estará cheo de actividades entre as que se conta a lectura do manifesto “Onde hai unha biblioteca hai unha luz”, da autoría de Agustín Fernández Paz, maratón de lecturas, obradoiro de banda deseñada e contacontos entre outras actividades.

O día anterior este programa de radio nacional emitirá entrevistas e debates entre participantes de varias bibliotecas entre os que se encontrará Xóan Manuel Pérez Lijó en representación da Biblioteca de Ames.

Información das actividades

Escoita a gravación do programa

Descarga o programa en .mp3

24 de outubro día das Bibliotecas

Como comemoración desta data contaremos cun contacontos na Biblioteca do Milladoiro.

O Venres 24 de outubro ás 18h., o Trasno Cascabel estará na Biblioteca para sorprendernos coas súas historias.

Para nenas e nenos maiores de 3 anos.

Curso de Software libre para Bibliotecas

A Asociación Anabad-Galicia, de profesionais de arquivos e bibliotecas, organiza un curso de Software Libre dirixido ao persoal das bibliotecas de Galicia.

Este curso será impartido por Xoán Manuel Pérez Lijó, bibliotecario de Ames e realizarase o próximo sábado 25 de outubro na aula de informática da Casa da cultura de Bertamiráns.

Na presentación especifícase que a biblioteca pública debe ser un elemento de alfabetización informacional que facilite á cidadanía o coñecemento e o acceso á información en formato electrónico.

Neste sentido a biblioteca debe potenciar o coñecemento sobre as diferentes alternativas existentes nas TIC e fomentar o uso de ferramentas baseadas en estándares abertos.

O Curso persegue os seguintes obxectivos:

• Coñecer entornos operativos abertos
• Coñecer ferramentas de software libre que podan ser usados en calquera entorno
• Coñecer sistemas de xestión bibliotecaria de código aberto
• En definitiva fomentar o coñecemento do SL e das súas posibilidades no entorno bibliotecario

Programa do curso
Noticia na web de Anabad
Noticia no portal de Mancomún