Resumo da campaña Con Haití no corazón

Moitas grazas a todas e todos por participar!

Agradecemos a todas as persoas e entidades que colaboraron coa Biblioteca no desenvolvemento da campaña de recadación de fondos para Haití.

As entidades que colaboraron foron:

• Intermón Oxfam
• Adames
• ANPA da Escola Infantil do Milladoiro
• ANPA do CEIP de Ventín
• Ademais contamos coa colaboración de usuarias da biblioteca e de compañeiras do Concello que colaboraron connosco na elaboración dos corazóns ademais de contribuir á venda dos mesmos.

A cantidade total recada foi de: 2.502,38€ dos que:

• 1.737,70€ corresponden ao recadado nas dúas bibliotecas pola venda de corazóns e libros.
• 511,78€ das doazóns aportadas polas nais e pais da Escola Infantil do Milladoiro
• 252,90€ das doazóns aportadas polas nais e pais do CEIP de Ventín

Outras iniciativas:
Desde Ames desenvolvéronse outras iniciativas provenientes tanto da administración como da sociedade civil.

• O Concello envía 1.500€ de axuda aos damnificados
• O grupo Bullblack Show organiza un concerto solidario
• Os centros educativos de Ames poñen en marcha campañas de axuda a Haití
• A corporación municipal doa os honorarios de asistencia ao pleno de xaneiro a Haití
• Médicos sen Fronteiras e a Asociación xuvenil XEGAS do IES de Ames xuntos pola solidariedade

A Biblioteca organizou ademais unha charla con José Luis Quintelá Juliá director da ONG Intermón Oxfam para Galicia, Asturias e León para falarnos da súa organización e do traballo que desenvolven en Haití.

Aínda estás a tempo de participar noutras iniciativas:
O Club de Atletismo MillaRaio organiza a I Carreira Solidaria de Axuda para Haití