Enquisa na Biblioteca Municipal

No pasado mes de maio realizouse unha enquisa de valoración do servizo municipal de bibliotecas entre os usuarios da mesma. Unha vez analizados os datos presentamos o resultado da mesma.

No ano 2008 o servizo cumpre 4 anos desde o inicio do cambio na Biblioteca Municipal. Este cambio foi motivado pola necesidade de crear un servizo bibliotecario moderno que respondese ás necesidades da poboación dun Concello dinámico e en continuo crecemento cunha grande proporción de poboación nova.

Todo este proceso de cambio foi realizado sen formalizar ningún procedimento para que as persoas usuarias da biblioteca manifestaran a súa opinión sobre o mesmo.

Agora, pasado estes catro anos, crimos conveniente realizar este procedemento de toma de datos da opinión dos usuarios realizado mediante unha enquisa que recollese a opinión global sobre o servizo.

O obxectivo é conseguir ter nas nosas mans unha radiografía do que é a Biblioteca Pública de Ames segundo a opinión dos seus usuarios. Servir tamén de punto de referencia para análises posteriores e futuras enquisas que se poidan realizar conseguindo unha valoración global de toda a organización e tendo un instrumento básico para futuras planificacións e decisións.

Pódese consultar o relatorio completo ou só as conclusións.

Noticia na web municipal

Noticia en La Voz de Galicia

Actividades de Animación á lectura nas Bibliotecas nos meses de verán

No verán continuamos coas actividades de animación á lectura nas Bibliotecas. Lembramos que durante xullo e agosto a biblioteca só abrirá ao público en horario de mañá polo que as actividades realizaranse polas mañás nas bibliotecas.

Teremos contacontos para nenos e nenas de 3 a 8 anos e actividades para nenos e nenas de 9 a 12 anos.

Queremos lembrarvos que para as actividades das nenas e dos nenos máis maiores será necesario inscribirse previamente nas bibliotecas.

XULLO:

• Mércores 9, Os contos do revés I: biblioteca de Bertamiráns ás 12h., para nenos e nenas de 3 a 8 anos
• Xoves 10, Os contos do revés I: biblioteca do Milladoiro ás 12h. , para nenos e nenas de 3 a 8
• Do 15 ao 17 de xullo, Xogando coas palabras I: biblioteca de Bertamiráns ás 11h., actividades para nenos e nenas de 9 a 12 anos (inscrición do 1 ao 7 de xullo)
  
• Do 22 ao 24 de xullo, Xogando coas palabras I: biblioteca do Milladoiro ás 11h., actividades para nenos e nenas de 9 a 12 anos (inscrición do 1 ao 7 de xullo)

AGOSTO:

• Mércores 6, Os contos do revés II: biblioteca de Bertamiráns ás 12h., para nenos e nenas de 3 a 8 anos
• Xoves 7, Os contos do revés II: biblioteca do Milladoiro ás 12h. , para nenos e nenas de 3 a 8
• Do 19 ao 21 de agosto, Xogando coas palabras II: biblioteca de Bertamiráns ás 11h., actividades para nenos e nenas de 9 a 12 anos (inscrición do 1 ao 11 de agosto)
• Do 26 ao 28 de agosto, Xogando coas palabras II: biblioteca do Milladoiro ás 11h., actividades para nenos e nenas de 9 a 12 anos (inscrición do 1 ao 11 de agosto)

Móllate na lectura: Bibliopiscinas, 2008

Durante os meses de xullo e agosto as bibliotecas levan os seus servizos ás piscinas municipais e á área recreativa de Tapia coas bibliopiscinas.

HORARIOS:

• Bibliopiscina de Bertamiráns: de luns a venres, de 16:30h. a 20:30h.
• Bibliopiscina do Milladoiro: de luns a venres, de 16:30h. a 20:30h.
• Bibliopiscina de Tapia:
• do 1 de xullo ao 15 de agosto: de luns a domingo, de 16:30 á 21:00h.
• do 16 ao 30 de agosto: de luns a domingo, de 16:30 á 20:00h.

ACTIVIDADES:

• Todos os días ás 18h. da tarde realizarase “A hora do conto”
  
• Semanalmente haberá unha sesión de contacontos:
• Bibliopiscina do Milladoiro: os martes ás 18h.
• Bibliopiscina de Tapia: os mércores ás 18h.
• Bibliopiscina de Bertamiráns: os xoves ás 18h.

III FESTA DAS BIBLIOPISCINAS:

• O domingo 31 de agosto celebrarase a III Festa das Bibliopiscinas ás 17h. na área recreativa de Tapia.

Noticia na web do Concello

Horarios de verán

As Bibliotecas terán o seguinte horario de atención ao público durante os meses de xullo e agosto:

De luns a venres de 10 a 14h.