Biblioteca Municipal de Ames

Actividades de animación á lectura no mes de novembro

2011-11-13T23:14:00.001+01:00

Continúan as actividades de animación á lectura. Todos os contacontos, para nenos e nenas de tres a oito anos, son ás 18.00h.

Mércores 2: Biblioteca do Milladoiro.

Xoves 3: Biblioteca de Bertamiráns.

Luns 14: Local Social de Augapesada

Martes 15: Local Social de Bugallido

Mércores 16: Biblioteca de Bertamiráns

Xoves 17. Biblioteca do Milladoiro

Guías de lectura:
Contos de animais para nenos e nenas de tres a seis anos
Contos de animais para nenos e nenas de seis a oito anos

Actividades de animación á lectura no mes de Outubro

2011-10-03T10:42:00.001+02:00

Comezan as actividades do curso escolar 2011-2012

No trimestre de Outubro a Decembro a temática será de animais:

Conto, Contiño... Unha de animais.

Neste primeiro mes de Outubro contaremos coas seguintes actividades:

Todas as actividades ás 18h.

Mércores 5: Biblioteca do Milladoiro
Xoves 6: Biblioteca de Bertamiráns
Luns 17: Local social de Aguapesada
Martes 18: Local social de Bugallido
Mércores 19: Biblioteca de Bertamiráns
Xoves 20: Biblioteca do Milladoiro

A Noticia na web municipal

Bibliopiscinas 2011

2011-07-04T09:17:00.004+02:00

Móllate na Lectura, 2011!
Presentamos as actividades de animación á lectura na área recreativa de Tapia e nas piscinas de Bertamiráns e do Milladoiro.

Do 4 de Xullo ao 27 de Agosto levamos a biblioteca ás Bibliopiscinas.

As Bibliopiscinas son un servizo da Biblioteca Municipal que queren servir de servizo de extensión e proximidade da biblioteca, levando libros, xogos, xoguetes e actividades a estas áreas.

Nas bibliopiscinas contaremos con diferentes servizos de lectura, xogos e xoguetes, préstamo de libros a toallas e a domicilio.

Actividades:
- Todos os días a hora do conto na hora da merenda.
- Contacontos con actividade, ás 18h.

Martes no Milladoiro
Mércores en Tapia
Xoves en Bertamiráns

Horarios:

Bertamiráns e Milladoiro: de luns a venres de 16:00 a 20:00h. (fins de semana e festivos pechadas)

Tapia: de luns a domingo de 16:00 a 20:00h

As Bibliopiscinas están abertas a todo o público sendo unicamente requisito contar cun carné municipal para poder acceder aos servizos de préstamo a toalla e préstamo a domicilio. Todos os demais servizos son de acceso libre.
A Noticia na web municipal
A noticia na Voz de Galicia

Horario de verán na Biblioteca

2011-06-30T11:20:00.001+02:00

Horarios de verán:

Do 1 de Xullo ao 4 de Setembro o horario de atención ao público será:

de luns a venres de 10 a 14h.

Polas tardes levamos o servizo ás Bibliopiscinas.

Actividades de animación á lectura no mes de Maio

2011-05-02T12:41:00.002+02:00

Maio: o son das palabras

Contacontos:

Para maiores de 3 anos, ás 18h.

Mércores 4: Biblioteca do Milladoiro
Xoves 5: Biblioteca de Bertamiráns
Luns 16: Local social de Aguapesada
Mércores 18: Biblioteca de Bertamiráns
Xoves 19: Biblioteca do Milladoiro

Ven xogar connosco ao pasabalabras...

Obradoiro para maiores de 8 anos, ás 18,30h.

Mércores 11: Biblioteca de Bertamiráns
Xoves 12: Biblioteca do Milladoiro

Inscrición: do 25 de abril ao 6 de maio nas bibliotecas

Literatura na Praza

2011-04-26T10:10:00.003+02:00

Celebración do Día do Libro o sábado 30 de Abril, desde as 17h. na Praza do Concello de Bertamiráns.

Programa:

Durante toda a tarde:

Exposición e venda de libros (10% de desconto)
Creación de Camisetas literarias con Tinta de Lura (trae a túa camiseta)

17h.

Presentación do libro de Dolores Vilavedra, A narrativa galega na fin de século. Intervirán: a autora, Carlos Lema, Inma López Silva e Francisco Villaverde.
Obradoiros infantís:

Elaboración do gran libro do Día do libro
Elaboración de marcapáxinas

18h.

Acto literario-musical

Lectura pública dos textos premiados no VII Certame Literario Concello de Ames
Actuación do dúo musical Pel de Noz (jazz sobre música tradicional galega), coa colaboración se Xandre Outeiro.

Contacontos

Actividades de animación á lectura no mes de Abril

2011-03-31T09:00:00.002+02:00

No mes de abril celebramos varias datas importantes. O día 2 de abril é o día internacional da literatura infantil e xuvenil e o día 23 celébrase o día internacional do libro.

Ao redor destas efemérides desde a biblioteca queremos contribuír con actividades especiais. Neste caso os Contacontos serán narracións escollidas polas nosas animadoras que seleccionarán aquelas obras que máis lles gostaron nestes últimos tempos e que non entran en ningunha da temática que se realiza mensualmente na biblioteca. Así escollerán obras que se caracterizan por estar ilustradas (álbuns) e que ademais narran historias que chegan ao corazón dos máis pequenos e tamén dos adultos.

O Obradoiro xirará ao redor da escritura. Con técnicas divertidas e xogos, como é habitual nos nosos obradoiros, os rapaces e rapazas participantes aprenderán técnicas que lles permitan escribir as súas propias historias. Os resultados das actividades escritas poderán ser seguidos no blog dos obradoiros onde os participantes incluirán as súas narracións.

Contacontos:

Para maiores de 3 anos, ás 18h.

Mércores 6: Biblioteca do Milladoiro
Xoves 7: Biblioteca de Bertamiráns

Convértete en escritor!

Obradoiro para maiores de 8 anos, ás 18,30h.

Mércores 13: Biblioteca de Bertamiráns
Xoves 14: Biblioteca do Milladoiro

Inscrición: do 28 de marzo ao 8 de abril nas bibliotecas

Estatísticas da Biblioteca ano 2010

2011-03-21T10:33:00.001+01:00

Datos xerais a 31 de decembro de 2010.

É significativo o aumento da poboación do concello que continúa a incrementarse en grande número. Na actualidade contamos con 28.955 habitantes, aproximadamente 1.000 persoas máis que no ano anterior.

Fondos documentais: 24.963 (incremento con respecto ao 2009 de 1.789 novos documentos)

A media de documentos por habitante é de 0,86 doc./hab.

Usuarios: 5.107 (incremento de 666 persoas con respecto ao 2009)

Porcentaxe da poboación que é usuaria da biblioteca: 17,64%

Empréstamos: 20.824

Empréstamos por habitante: 0,72 prest./hab.

Empréstamos por asociados: 4,08 prest./socio

Visitantes: durante o ano 2010 utilizaron a biblioteca 38.207 persoas

Participantes nas actividades organizadas pola biblioteca: 2.895 persoas

Consultas ao catálogo da Biblioteca: entre as dúas bibliotecas o seu catálogo foi consultado 797.169 veces situándose, desta maneira, na terceira biblioteca municipal máis consultada da Rede de Bibliotecas de Galicia, e no mes de Decembro superou esta media converténdose na primeira das bibliotecas municipais máis consultada nese mes.

A Noticia en La Voz de Galicia

A Noticia en El Correo Gallego

Actividades de animación á lectura no mes de Marzo

2011-02-28T16:35:00.003+01:00

Entroido:

Sábado 5 de marzo: comparsas da Biblioteca

Bertamiráns: ás 17,30h. na Praza de Chavián
O Milladoiro: ás 17,30h. na Praza de Manuel Murguía

Os enfeitizados: é o conto que os participantes na comparsa do Milladoiro escribiron mentres elaboraban os seus disfraces.

Obradoiros da igualdade:

Para maiores de 8 anos. Sesións ás 18,30h.

Mércores 9 na Biblioteca de Bertamiráns
Xoves 10 na Biblioteca do Milladoiro

Inscricións nas bibliotecas do 21 de febreiro ao 5 de marzo

Contacontos da igualdade:

Luns 14: Local social de Aguapesada

Martes 15: Local social de Bugallido

Mércores 16: Biblioteca de Bertamiráns

Xoves 17: Biblioteca do Milladoiro

A temática do mes desenvolverase ao redor da data do 8 de marzo, día da muller traballadora, e a igualdade entre mulleres e homes.

Visitas escolares: este mes continuaremos coas visitas das escolas do Concello ás bibliotecas. Esta vez será o alumnado de 4º de primaria o que participará desta actividade.

Do 21 de marzo ao 1 de abril as escolas de Barouta, Agro do Muíño, A Maía e Ventín visitarán a súa biblioteca de referencia para asistir a unha presentación do servizo e o seu funcionamento e á realización de xogos de pistas, e outras actividades, dirixidas a indicar o uso do catálogo, a localizar os fondos documentais e a entender as normas de funcionamento deste servizo.

Nota: As visitas realizaranse en horario de mañá. Os días de actividades serán anunciados previamente na biblioteca. Durante a realización das visitas os demais servizos da biblioteca poderán verse afectados.

A Noticia na web municipal

Tres anos do blog da Biblioteca

2011-02-09T10:33:00.002+01:00

O 9 de febreiro de 2008 publicábase a nosa primeira noticia (post) presentando a publicación deste blog coa intención de difundir entre os nosos usuarios as novas e as actividades relacionadas coa biblioteca.

Desde entón levamos publicadas, con esta de hoxe, un total de 129 noticias: 44 publicadas no ano 2008, 41 no 2009 e 38 no 2010. Fomos visitados 6.187 veces por 3.614 visitantes únicos, que pasaron no noso blog unha media de 1,36 minutos.

O número medio de visitas por día foi de 5,6. O 43% dos nosos visitantes repiten a visita ás noticias do blog mentres que o 57% só pasou por aquí unha única vez.

En Xullo de 2010 o blog foi sometido a un cambio de imaxe que o fixo máis atractivo en deseño e visualización pero, sobre todo, realizouse unha mellor organización da información como se indicou na noticia dedicada ao cambio: Novo deseño do blog.

Ao mesmo tempo dotámonos de novas ferramentas sociais como a páxina en Facebook da Biblioteca, o que contribuiu a incrementar en grande medida o número de usuarios do blog, xa que as noticias aquí publicadas son difundidas tamén a través de Facebook. Esta rede utilízase ademais para publicar outras noticias relacionadas cos libros, a lectura e a cultura.

O Blog contén, ademais das noticias, situadas no bloque central, outros dous espazos con diferente tipo de información:

O lado esquerdo do blog está reservado para difundir información sobre a biblioteca: horarios, servizos, catálogos e documentos.
O lado dereito está dedicado á difusión das actividades e ás redes sociais: calendario das actividades de animación, as noticias publicadas no Facebook, o Canal YouTube da Biblioteca e as Fotografías das diferentes actividades.

O blog permite a subscrición ás noticias a través do email persoal e a sindicación de lectura das noticias a través de lectores RSS que permiten estar ao día da información que se vai publicando desde a biblioteca.

Neste curso escolar 2010-2011 comezamos con outro blog dirixido aos rapaces e raparigas de 8 a 12 anos que participan dos obradoiros na biblioteca, co nome de Obradoiros da Biblioteca Municipal de Ames, pretende pór en contacto a estes usuarios coas novas ferramentas de comunicación ao tempo que se difunden as actividades dirixidas a estas idades.

A Noticia na web municipal
A noticia no El Correo Gallego

Actividades de animación á lectura no mes de Febreiro

2011-01-31T10:12:00.007+01:00

Ai, o Amor!

Contacontos:

Para maiores de 3 anos. Sesións ás 18h.

Mércores 2: Biblioteca do Milladoiro
Xoves 3: Biblioteca de Bertamiráns
Luns 14: Local social de Aguapesada
Martes 15: Local social de Bugallido
Mércores 16: Biblioteca de Bertamiráns
Xoves 17: Biblioteca do Milladoiro

Obradoiros:

Para maiores de 8 anos. Sesións ás 18,30h.

Mércores 9 na Biblioteca de Bertamiráns
Xoves 10 na Biblioteca do Milladoiro

Inscricións: do 24 de xaneiro e 5 de febreiro nas bibliotecas.

Entroido:

O sábado 5 de marzo celebrarase o entroido no noso concello. Se queres participar na comparsa da biblioteca poderás inscribirte até o 14 de febreiro.

A Noticia na web municipal

Visitas escolares

2011-01-21T11:00:00.002+01:00

Entre os meses de xaneiro e abril contaremos con visitas escolares das escolas do concello á biblioteca.

Estas visitas teñen a finalidade de dar a coñecer a biblioteca e os seus fondos á poboación escolar e fomentar o uso da mesma.

A actividade vai dirixida ao alumnado dos cursos de 2º, 4º e 6º de Primaria e preténdese que sexa periódica de maneira que todo o alumnado poda pasar en algún momento da súa vida escolar pola biblioteca para coñecela.

As actividades son diferentes dependendo do curso, pero en todas se explicará o funcionamento da biblioteca: como se organizan os fondos e como se recuperan os documentos buscando no catálogo e localizándoo nos estantes; os códigos de cores por idades dos documentos; os distintos tipos de materais cos que contamos... Pero, ademais das explicacións teóricas, aprenderán con xogos de pistas nos que terán que recuperar información que os leve a determinado documento onde contarán con novas pistas...

Os colexios participantes acudirán á súa biblioteca máis próxima, desta maneira os CEIP de Barouta, A Maía e Agro do Muíño visitarán a biblioteca de Bertamiráns, mentres que o CEP de Ventín visitará a biblioteca do Milladoiro.

As visitas serán as seguintes:

6º de Primaria: entre o 24 de xaneiro e o 4 de febreiro
4º de Primaria: entre o 21 de marzo e o 1 de abril
2º de Primaria: entre o 4 e o 29 de abril

Actividades de Animación á lectura no mes de Xaneiro

2011-01-10T17:14:00.002+01:00

Mes da Paz:

Contacontos:

Para maiores de 3 anos. Sesións ás 18h.

Luns 17: Local social de Aguapesada
Martes 18: Local social de Bugallido
Mércores 19: Biblioteca do Milladoiro
Xoves 20: Biblioteca de Bertamiráns

Obradoiros:

Para maiores de 8 anos. Sesións ás 18,30h.

Mércores 26 na Biblioteca de Bertamiráns
Xoves 27 na Biblioteca do Milladoiro

Inscricións: do 10 ao 22 de xaneiro nas Bibliotecas.

Adianto de próximas actividades:

Visitas escolares: entre os meses de xaneiro e abril contaremos con visitas escolares á biblioteca en horario de mañá. Os días de actividades serán anunciados previamente na biblioteca. Durante a realización das visitas os demais servizos da biblioteca poderán verse afectados. Desculpen as molestias.

Febreiro: mes do amor. Os obradoiros deste mes, para maiores de 8 anos, serán os días 9 e 10 de febreiro. O prazo de inscrición será entre os días 24 de xaneiro e 5 de febreiro nas bibliotecas.

Entroido: o próximo sábado 5 de marzo será a celebración do entroido no noso concello. Se queres participar na comparsa da biblioteca poderás inscribirte entre os días 24 de xaneiro e 14 de febreiro.

Cabalgata de Reis 2011

2011-01-03T10:25:00.001+01:00

A Biblioteca participará o mércores 5 de xaneiro nas Cabalgatas de Reis que se realizarán:

No Milladoiro ás 17,30h. co percorrido desde a Casa da Cultura do Milladoiro á Praza de Manuel Murguía
En Bertamiráns ás 19h. co percorrido desde o Pazo da Peregrina á Praza de Chavián.

As persoas que participan coa biblioteca na cabalgata deberán estar media hora antes da cabalgata para prepar os disfraces:

Milladoiro: ás 17h. na Casa da Cultura
Bertamiráns ás 18,30h. no Pazo da Peregrina

En caso de chuvia as dúas cabalgatas trasladaranse aos respectivos pavillóns polideportivos.

Nota Importante:

Con motivo da participación nas cabalgatas as Bibliotecas permanecerán pechadas ao público en horario de tarde.

Aviso

2011-01-03T10:25:00.000+01:00

O día 5 de xaneiro as bibliotecas estarán pechadas ao público en horario de tarde.

Con motivo da participación na cabalgata de reis do 5 de xaneiro, no Milladoiro e en Bertamiráns, as bibliotecas permanecerán pechadas ao público en horario de tarde.

Exposición de Pallozas do CEP de Ventín na biblioteca do Milladoiro

2010-12-22T20:09:00.001+01:00

As nenas e os nenos de 6º de primaria do CEP de Ventín van expor as súas maquetas a escala das pallozas dun poboado Castrexo.

O Director do centro, e profesor destes alumnos, Alfredo Rodríguez e os concelleiros de Educación, Francisco Villaverde, e de servizos sociais, Isabel González, acompañaros aos nenos na presentación da exposición.

Ademais dos actuais alumnos de 6º de primaria, participou o alumnado que en anos anteriores elaboraron algunhas das maquetas e que colaboran aportando as súas pallozas.

A exposición poderá verse na Biblioteca do Milladoiro desde o mércores 22 de decembro ao 10 de xaneiro de 2011.

A noticia na web municipal
A noticia no El Correo Gallego

Actividades de animación á lectura no mes de Decembro

2010-11-29T09:00:00.002+01:00

Decembro: NadaLer

Contacontos para nenos e nenas maiores de 3 anos, ás 18h.

Mércores 1: Biblioteca do Milladoiro
Xoves 2: Biblioteca de Bertamiráns
Luns 13: local social de Aguapesada
Martes 14: local social de Bugallido
Mércores 15: Biblioteca de Bertamiráns
Xoves 16: Biblioteca do Milladoiro

A Noticia na web municipal

A Biblioteca de Ames chega aos 5.000 asociados

2010-11-17T09:00:00.002+01:00

O día 10 de novembro de 2010 a Biblioteca Municipal acadou a cifra de 5.000 persoas asociadas. Esta cantidade correspóndese co 17% da poboación municipal dese mesmo día (28.955 habitantes no padrón municipal).

Sen embargo, aínda que esta cantidade se corresponde cunha porcentaxe sobre a poboación total do concello, non debemos que esquecer que moitas das persoas atendidas non pertencen ao concello de Ames senón que son dalgúns dos concellos limítrofes e mesmo doutros de Galicia e de España.

Desta maneira corresponden a persoas domiciliadas no Concello de Ames un total de 4.640 persoas, o 93% do total de socios (16% da poboación). É dicir, hai un 7% de socios da biblioteca (360 usuarios) que non están empadroados en Ames pero que utilizan o noso servizo de bibliotecas.

A outros concellos corresponden as seguintes cifras:

Brión: 127 persoas asociadas que representan o 2,5% do total de socios.

Teo: 103 persoas asociadas que representan o 2,1% do total de socios.

Santiago: 68 persoas asociadas que representan o 1,4% do total de socios.

Outras persoas domiciliadas noutros concellos da comarca (A Baña, Negreira, Padrón e Rois): 22 persoas .

Outras persoas con domicilio noutros concellos de Galicia: 34 socios; e outras persoas con domicilio noutros concellos de España: 6 socios. Estes dous últimos datos corresponden sobre todo a persoas que acostuman a utilizar a biblioteca durante os meses de verán.

Ademais do total de asociados 7 corresponden a socios institucionais e o resto a socios persoais.

No que vai de ano 2010 déronse de alta 583 novos socios.

Idades:

1.531 son nenos e nenas até 14 anos (incluídos) (30,6% sobre o total de socios).

3.462 son xoves e adultos maiores de 14 anos (59,4% sobre o total de socios).

Como dato curioso podemos citar que o usuario máis novo é unha nena de 1 mes de vida, mentres que o máis vello é un home de 79 anos nacido en 1921.

Xéneros:

Dos 5.000 socios, o 58,7% (2.932) son mulleres e o 41,3% (2.061) homes.

(7 nos se contabilizan por se trataren de institucións).

Este dato é importante telo en conta xa que como se verá no apartado seguinte a diferenza por xéneros móstrase a partir dos 14 anos xa que os menores desa idade están moi igualados por xénero:

- Dos nenos e nenas até 14 anos o 49,5% (758) son nenas e o 50,5% (773) nenos.

- Dos adultos maiores de 14 anos: o 62,6% (2.168) son mulleres e o 37,4% (1.294) son homes.

Orixe:

Nas persoas adultas (3.462 usuarios) existe unha porcentaxe importante de persoas con NIE non español, é dicir doutros países europeos e extra-comunitarios que se corresponde co 7,7% do total. Non podemos especificar esta cifra para menores de 16 anos xa que a estes non se lle esixe presentar copia do documento de identidade para se asociar.

Da mesma maneira descoñecemos con exactitude os estados de orixe destas persoas xa que na ficha de inscrición non se solicita. Pero podemos citar por continentes algúns dos países con cidadáns inscritos na nosa biblioteca:

De Europa: Portugal, Gran Bretaña, Italia, Bélxica, Países Baixos, Romenia, ou Rusia ... por citar algunha das orixes.

De Asia temos representación tanto de China como de Taiwán.

De África temos usuarios de países do Magreb como Marrocos e de países ao Sul do Sáhara como Angola

De Latinoamérica existe representación de practicamente todos os estados: México, Venezuela, Colombia, Uruguay, Arxentina, Brasil...

Renovación dos carnés:

Por último temos que sinalar que a información ofrecida responde a datos actualizados e corresponde a usuarios que se asociaron ou renovaron o seu carné nos últimos 3 anos xa que a nosa política bibliotecaria indica que o carné ten ese período de validez. Desta maneira os datos foron actualizados no ano 2008 ou con posterioridade a este ano.

A noticia na web municipal.
A noticia en El Correo Gallego.

Os usuarios e o OPAC social: video

2010-11-10T10:00:00.024+01:00

A comezos do verán a nosa biblioteca foi o escenario da grabación dun video para presentar no V Congreso de Bibliotecas Públicas celebrado en Xixón entre os días 3 e 5 de Novembro.

Este video presentouse baixo o nome: Los usuarios y el OPAC social, e mostra a interacción entre os usuarios e o catálogo bibliotecario dentro do denominado web social ou web 2.0, coas posibilidades de interacción dos usuarios co catálogo da biblioteca: listas de libros lidos ou por ler, lista de favoritos, opinión sobre os libros, ver os favoritos doutros usuairios, poder suscribirse a autores ou temas favoritos... Ademais este novo catálogo presenta a posibilidade de incrementarse con outros recursos externos ofrecendo maior información para os usuarios integrando recursos propios, fondo local, videos, etc. que se sumarían ao contido do catálogo.

A nosa biblioteca aínda non dispón deste novo programa de xestión denominado Koha e que xa foi implantado en varias bibliotecas da Rede de Bibliotecas de Galicia. A nosa incorporación a este novo programa de xestión bibliotecario xa foi solicitado e estamos á espera de que a Consellería de Cultura some máis bibliotecas a este proxecto. Sen embargo, a pesar de que a nosa biblioteca aínda non dispón deste software, foi solicitada a participación dos nosos usuarios na grabación deste video no que se presentan as novas funcionalidades do catálogo e os usos que os usuarios fan del.

Convidámosvos a ver o video e agradecemos a participación dos usuarios que colaboraron na súa grabación:

Podes seguir os videos relacionados coa biblioteca no noso canal de Youtube.

Actividades de Animación á lectura no mes de Novembro

2010-10-26T16:36:00.001+02:00

A temática deste mes será a amizade

Contacontos:

Para nenos e nenas maiores de 3 anos. Todos os contacontos se realizarán ás 18h.

Mércores 3: Biblioteca do Milladoiro
Xoves 4: Biblioteca de Bertamiráns
Luns 15: Local Social de Aguapesada
Martes 16: Local Social de Bugallido
Mércores 17: Biblioteca de Bertamiráns
Xoves 18: Biblioteca do Milladoiro

Obradoiros:

Para rapaces e rapazas maiores de 8 anos. Todos os obradoiros se realizarán ás 18,30h.

Mércores 10: Biblioteca de Bertamiráns
Xoves 11: Biblioteca do Milladoiro

Inscrición: para participar nos obradoiros é necesario inscribirse previamente nas bibliotecas entre os días 25 de outubro e o 5 de novembro.

Nadal:

Se queres participar coa Biblioteca na Cabalgata de Reis poderás anotarte entre o 1 e o 22 de Novembro. A partir do 22 de Novembro comezaremos a elaboración dos disfraces.

A Noticia na web Municipal

Resultados da enquisa sobre o novo Blog da Biblioteca

2010-10-05T10:00:00.003+02:00

O día 1 de xullo iniciamos unha consulta sobre o novo deseño do blog da biblioteca que ao mesmo tempo servía para presentar novos servizos.

O prazo para opinar estivo aberto até o 30 de Setembro e presentamos agora os resultados:

Participaron 49 persoas:
47 opinaron a través da enquisa habilitada no blog
1 deixou un comentario no blog e
1 opinou no taboleiro de discusión do Facebook da biblioteca

As opinións resultantes foron:

O 92% (45 persoas) opina que este deseño do blog está mellor
O 6% (3 persoas) non nota a diferenza e
O 2% (1 persoa) sinala que gostaba máis do modelo anterior

Moitas grazas por participar coa vosa opinión. Queremos animarvos a continuar enviardo as vosas opinións sobre os servizos da biblioteca.

Actividades de Outubro

2010-10-04T10:37:00.008+02:00

A temática deste mes será o medo.

Contacontos:
Para nenos e nenas maiores de 3 anos. Todos os contacontos se realizarán ás 18h.

Mércores 6: Biblioteca do Milladoiro
Xoves 7: Biblioteca de Bertamiráns
Luns 18: Local Social de Aguapesada
Martes 19: Local Social de Bugallido
Mércores 20: Biblioteca de Bertamiráns
Xoves 21: Biblioteca do Milladoiro

Obradoiros:
Para rapaces e rapazas maiores de 8 anos. Todos os obradoiros se realizarán ás 18,30h.

Mércores 13: Biblioteca de Bertamiráns
Xoves 14: Biblioteca do Milladoiro

Inscrición: para participar nos obradoiros é necesario inscribirse previamente nas bibliotecas entre os días 27 de setembro e 6 de outubro.

Noticia na web municipal
Noticia en La Voz de Galicia

Actrividades de Animación á Lectura curso 2010/2011

2010-09-28T16:30:00.000+02:00

Contacontos:

Comeza o novo curso na Biblioteca e faino cargado de sorpresas. Os rapaces e rapazas de Ames que se achegaron á biblioteca estes días xa puideron observar a nova decoración que servirá de escenario para unha nova campaña de animación a lectura, que este ano recibe o nome de Conto, contas, contan... Cantos contos contas ti? Persoaxes tan coñecidos como Maisy, os tres porquiños ou Pinocho, entre outros moitos, serán os compañeiros de aventuras dos nenos e das nenas de Ame.

Este novo curso os contos non se centrarán nunha única temática, como en anos anteriores nos que se traballou temas como o mar ou o espazo, senón que cada mes se abordará un tema distinto, sempre relacionado con aspectos de interese e de actualidade na formación emotiva, artística e formal dos máis cativos. A isto se debe a nova decoración, que fai referencia á propia literatura infantil, desde a máis clásica como Carapuchiña á máis actual como Xerónimo Stilton.

Os contacontos, dirixidos como sempre a nenos e nenas de máis tres anos, comezarán a primeira semana do mes de outubro e realizaranse nas bibliotecas de Bertamiráns e do Milladoiro así como nos locais sociais de Aguapesada e Bugallido.

Obradorios para maiores de oito anos:

Pero as novidades non rematan aí, xa que este ano aqueles nenos e nenas maiores de oito anos terán a oportunidade de asistir aos obradoiros organizados mensualmente. Os nenos de Bertamiráns poderán facelo o segundo mércores de cada mes ás 18,30h., mentras que os do Milladoiro terán a súa cita o segundo xoves tamén ás 18,30h., sempre previa inscrición.

Noticia na web municipal

Participantes nas Bibliopiscinas 2010

2010-09-07T20:20:00.013+02:00

Entre os meses de xullo e agosto pasaron polas Bibliopiscinas de Ames 11.225 persoas. Perto de 3.000 persoas máis que en 2009 no que se chegou á cifra de de 8.377 participantes.

Este ano o tempo foi o noso aliado xa que só se pecharon as bibliopiscinas 3 días en todo o verán e, aínda que houbo outros días nos que o tempo non axudou por treboadas ou vento, o record de asistencia foi debido a un verán con moitos días de sol e altas temperaturas que animaron á cidadanía a asistir ás piscinas e á área recreativa de Tapia.

En total abriuse ao público 39 días nas bibliopiscinas de Bertamiráns e do Milladoiro, que só abren de luns a venres; e 57 días na de Tapia que abre ao público todos os días da semana. Por idades os nenos e as nenas foron os maioritarios no uso con 7.027 participantes, mentras que os adultos chegaron a 4.198. Por xéneros as nenas superan aos nenos en máis de 300 participantes: 3.672 nenas e 3.355 nenos. E nos adultos as mulleres sobrepasan aos homes en 406 participantes: 2.302 mulleres e 1.896 homes.

Por Bibliopiscinas a máis utilizada foi a de Tapia con 6.391 usuarios, seguida do Milladoiro con 2.758 e Bertamiráns con 2.076.

Actividades:
Programáronse un total de 8 sesións de contacontos, actividades que se celebraba unha vez por semana en cada bibliopiscina e que remataba cun obradoiro sobre a temática tratada durante a sesión de animación.

O número total de participantes nos contacontos foi de 1.062 (case o dobre con respecto ao 2009 no que participaron 655 persoas), nestes datos 711 participantes corresponden a nenos e nenas e 358 a adultos. A este número hai que sumar os participantes da festa de despedida o domingo 29 de agosto en Tapia á que asistiron ao redor de 150 persoas.

Na bibliopiscina do Milladoiro realizáronse 7 sesións de contacontos, e nas de Tapia e Bertamiráns 6 sesións. As non realizadas foron suspendidas debido ao mal tempo.

As actividades foron dedicadas durante cada semana a unha temática diferente.

1ª Sesión: Camiño de Compostela (6, 7 e 8 de xullo)
2ª Sesión: As Bruxas (13, 14 e 15 de xullo)
3ª Sesión: Bonitas historias de amor (20, 21 e 22 de xullo)
4ª Sesión: Que ven o lobo! (27, 28 e 29 de xullo)
5ª Sesión: Pintura nos contos (3, 4 e 5 de agosto)
6ª Sesión: Robots amigos (9, 10 e 11 de agosto)
7ª Sesión: Unha de maxia (17, 18 e 19 de agosto)
8ª Sesión: Imos de festa! (24, 25 e 26 de agosto)

Festa:
Na festa, realizada o domingo 29 de agosto, contouse coa asistencia dunhas 150 persoas que participaron dos xogos populares realizados pola empresa Xandobela, encargada de xestionar as Bibliopiscinas, ou que asistiron ás actuación de A Tropa de Trapo co espectáculo A viaxe das palabras, e que finalizaron disfrutando da actuación de Pablo Díaz co espectáculo musical Tic-Tac.

A Noticia na web municipal
A Noticia en La Voz de Galicia

Aviso: comeza o horario de inverno

2010-08-30T08:00:00.000+02:00

Horario de atención ao público na Biblioteca durante o curso escolar 2010-2011:

Do 1 de Setembro de 2010 ao 30 de Xuño de 2011

De luns a venres:
Mañás: de 10 a 13h.
Tardes: de 16,30 a 21h.

Sábados:
Mañás: de 11 a 14h.

Festa das Bibliopiscinas 2010

2010-08-16T12:15:00.002+02:00

Domingo 29 de agosto de 2010, a partir das 16,30h. na área recreativa de Tapia*

(*En caso de mal tempo as actuacións trasladaranse ao salón de actos da Casa da Cultura de Bertamiráns.)

Actividades:

Xogos populares:
De 16,30 a 18h: xogos populares (a rá, zancos...), grandes xogos (paracaídas...) e obradoiros variados.

Contacontos:
De 18 a 19h: A Tropa de Trapo, co espectáculo A Viaxe das Palabras:

"A historia de Lucía que descobre unha maleta vella de seu avó, a quen non chegou a coñecer. É todo o que de seu avó quedou, pero seus pais non lle deixan ver o que hai dentro. Nesta maleta prohibida están os recordos máis preciados de seu avó, os seus segredos. Unha noite, Lucía decide averiguar o que hai alí dentro…"

Música:
De 19 a 20h: concerto de Pablo Díaz co espectáculo Tic-Tac dirixido ao público infantil.

Pódese seguir a Pablo Díaz en:
Myspace
Facebook
Youtube

Poñemos un dos seus videos para que desfrutedes do espectáculo:

A noticia na web municipal
A noticia en La Voz de Galicia

Visita da Escola de Verán á Biblioteca

2010-08-10T10:42:00.003+02:00

Esta semana a biblioteca do Milladoiro recibirá a visita da Escola de Verán.

Os rapaces matriculados na escola convertiranse nos protagonistas da biblioteca por un par de días. Tres grupos diferentes pasarán pola biblioteca os días 11 e 12 de agosto.

Os primeiros serán os rapaces de entre tres e seis anos, que conforman un grupo de 40, e que virán o mércores 11; os seguintes serán 20 rapaces de entre seis e sete anos que acudirán o xoves 12.

Ambos os dous grupos terán a oportunidade de desfrutar dunha sesión de contacontos na se narrarán entre outros:

O peixe que gritaba tiburón
1, 2, 3 ¡mar!
El pes

Desta maneira convertemos estas sesións nunha despedida da temática que nos acompañou todo este curso: o mar.

E, como non podería ser de outra maneira, ao acabar o contacontos terán a oportunidade de realizar un obradoiro e de mergullarse entre os libros que a biblioteca ten sempre á súa disposición.

O xoves 12 será tamén o turno dos nenos e nenas de entre oito e doce anos. A este grupo explicaráselle o funcionamento da biblioteca: as normas de préstamo, a ordenación do fondo, a elaboración das etiquetas, o que precisan para facerse socios…E despois desta explicación, que como sempre, presentarase dunha forma lúdica e amena, eles mesmos se convertirán en bibliotecarios durante un tempo. Rematarán a visita escoitando o conto Rosa Blanca de Roberto Innocenti, que é considerado un texto indespensable para abordar o tema da paz. Despois desta lectura os participantes divertiranse cun xogo no que a paz tamén é o tema fundamental.

Con estas visitas, a biblioteca pretende seguir traballando cara a consecución dun dos seus obxectivos fundamentais, o fomento do hábito lector entre os máis novos e tamén intenta dar a coñecer os seus servizos entre os veciños.

Como ven sendo habitual, nestes últimos anos, os participantes noutros servizos municipais, como a escola de Verán, asisten tamén a realizar actividades na biblioteca e a coñecer os servizos que esta oferta para toda a poboación, especialmente a infantil.

A noticia na web municipal

Con Haití no Corazón

2010-07-22T08:19:00.004+02:00

A Biblioteca de Ames participou, durante o mes de febreiro, na campaña de recollida de fondos para paliar os efectos do terremoto sobre a poboación de Haití a través da ONG Intermón Oxfam.

Agora, seis meses despois do terremoto, esta ONG envíanos o informe do seu traballo na reconstrución do país, que tamén se pode descarregar directamente desde esta ligazón.

Enquisa sobre o novo deseño do blog

2010-07-01T10:00:00.000+02:00

Axúdanos a mellorar:

Podes participar na enquisa que aparece na parte superior da columna da dereita e opinar sobre o novo deseño.

Desde o 1 de xullo ao 30 de Setembro poderás darnos a túa opinión.

Que opinas do novo deseño do blog da biblioteca?

Gostaba máis do anterior
Este está mellor
Non noto a diferenza

Podes participar tamén na discusión sobre este deseño aberto na nosa páxina de Facebook.

Estamos no Facebook

2010-06-29T10:14:00.008+02:00

Dentro da mellora dos nosos servizos virtuais acabamos de inaugurar páxina no Facebook. Xa podes seguirnos en:

http://www.facebook.com/pages/Biblioteca-Municipal-de-Ames/114875005225367

A partir de agora queremos aproveitar as posibilidades de comunicación desta ferramenta para dar a coñecer os nosos servizos, actividades e noticias relacionadas coa biblioteca a través deste servizo incrementando desta maneira a nosa comunicación cos usuarios e usuarias da Biblioteca.

Ademais desde o propio blog poderás aderirte á nosa páxina e ver os nosos seguidores.

Novo deseño do blog

2010-06-28T19:38:00.011+02:00

Despois de dous anos coa mesma presentación queremos aproveitar a chegada do verán para dar unha nova imaxe da nosa carta de presentación en internet: O blog da biblioteca.

O blog adáptase aos novos tempos e ás melloras tecnolóxicas. É por iso que agora que as pantallas son maiores o blog pode “crecer” presentando unha novo columna que permite organizar mellor a información.

Os cambios realizados son os seguintes:
Presentación a tres columnas nas que se reserva a central para as noticias (post) e se divide o contido das dúas laterais. A columna da esquerda presenta información sobre a biblioteca: quen somos, horarios, catálogos... mentras que a columna da dereita resérvase agora para os servizos virtuais ofertados: suscrición ao blog, imaxes de actividades, televisión da biblioteca, calendario de actividades, etc.

A parte inferior do blog está reservado para as opcións de busca: arquivo de noticias ordenadas por data de publicación e busca por temas (etiquetas ou tags) de todo o publicado. Ademais o propio servizo de blogguer, onde está aloxado o blog, permite na parte superior rprocurar dentro do blog.

Continuamos coa cor verde de fondo mantendo a cor da imaxe corporativa do concello.

Noticias ou post:
A columna central está dedicada aos post que agora só se presentan nun máximo de 3 para que o scroll (barra de descenso pola pantalla) non sexa tan grande e se poda chegar con máis rapidez á parte inferior onde están os temas e o arquivo de noticias.

Participación:
O novo deseño está máis integrado nas redes sociais, permite comentar as noticias e ademais valorar se son interesantes ou útiles. Permite enviar as noticias por email e compartilas a través de redes sociais como facebook ou twitter.

Nota:
Para ter unha mellor visualización do blog recomendamos navegar con Firefox. Se non o tes podes descarregalo desde a páxina de Mozilla, ou directamente desde esta ligazón.

Noticia na web municipal.

Aviso: Horario de Verán

2010-06-25T10:40:00.002+02:00

Horario de atención ao público no verán na Biblioteca:

Do 1 de Xullo ao 31 de Agosto

De luns a venres de 10 a 14h.

Lembramos que polas tardes está disponíbel o servizo de bibliopiscinas.

Bibliopiscinas: Móllate na lectura 2010!

2010-06-18T10:15:00.003+02:00

Presentamos as actividades de animación á lectura na área recreativa de Tapia e nas piscinas de Bertamiráns e do Milladoiro.

Coa campaña Móllate na lectura, 2010 queremos levar a lectura, e outros servizos da Biblioteca, aos lugares de ocio do Concello.

As Bibliopiscinas son un servizo da Biblioteca Municipal que, por oitavo ano consecutivo, queren servir de servizo de extensión e proximidade da biblioteca, levando libros, xogos, xoguetes e actividades a estas áreas.

Nas bibliopiscinas contaremos cos servizos de lectura de prensa, lectura dentro do recinto, xogos para todas as idades e xoguetes para os máis pequenos, préstamo de libros a toallas e a domicilio. Todos os días na hora do merenda contaremos coa Hora do conto e un día á semana en cada bibliopiscina teremos Contacontos e actividades.

Contacontos:

Martes ás 18h. na Bibliopiscina do Milladoiro
Mércores ás 18h. na Bibliopiscina de Tapia
Xoves ás 18h. na Bibliopiscina de Bertamiráns

Horarios:

Bertamiráns e Milladoiro:

De luns a venres de 16,30 a 20,30h. (fins de semana e festivos pechadas

Tapia:

De luns a domingo
Do 1 de Xullo ao 15 de Agosto: de 16,30 a 21h.
Do 17 ao 29 de Agosto: de 16,30 a 20h.

As Bibliopiscinas están abertas a todo o público sendo unicamente requisito contar cun carné municipal para poder acceder aos servizos de préstamo a toalla e préstamo a domicilio. Todos os demais servizos son de acceso libre.

O Domingo 29 de Agosto remataremos coa celebración da Festa das Bibliopiscinas na área recreativa de Tapia a partir das 16,30h.

A Noticia na web municipal
Noticia en La Voz de Galicia

A Miña Famosa Familia

2010-06-07T11:23:00.003+02:00

Primeiro programa da serie "A Miña Famosa Familia" da Televisión de Galicia" que busca as curiosas e interesantes orixes históricas de Natalia Vidal Ferro, viciña de Ames. Quen será a súa famosa antepasada?

Parte 1:

Parte 2:

Parte 3:

Cos Libros de Camiño

2010-06-02T16:40:00.005+02:00

A Biblioteca dispón, durante o mes de Xuño, dun espazo de libros relacionados co Camiño de Santiago baixo o lema Cos Libros de Camiño.

O Concello de Ames está atravesado por dúas das rutas relacionadas co Camiño de Santiago:

O Camiño Portugués, que atravesa as parroquias de Viduído e o Milladoiro, e o Camiño de Fisterra que percorre as parroquias de Covas, Ames, Trasmonte e Agrón.

No espazo destinado aos camiños de Santiago seleccionamos guías do camiño con información sobre as rutas e recomendacións para o facer, guías de Santiago e obras de literatura, historia, arte e sobre as peregrinacións.

Con esta exposición queremos animar, ás persoas asociadas á biblioteca, a coñecer o noso entorno máis próximo e a iniciarse no deporte e na realización de rutas a pé no noso Concello.

Outros servizos municipais, como Cultura e Deportes, organizan periodicamente rutas de sendeirismo. A Aula de Natureza realiza tamén excursións relacionadas co coñecemento do noso medio natural.

Na web do Concello facilítase información sobre varias rutas, Os Camiños de Santiago, Os Muíños de Riamonte, e outras catro visitas que se poden descarregar e instalar nun navegador GPS. Ver mapa turístico completo.

Precisamente, sobre a Ruta de Riamonte, foi editada unha nova guía informativa co itinerario e información ambiental de interese que se pode conseguir nas dependencias municipais.

As novas tecnoloxías tamén permiten que calquera persoa poida crear e difundir rutas a través de ferramentas sociais da Web 2.0 como Wikiloc. Diego Vila González, usuario da biblioteca, facilitounos a información que creou neste servizo sobre a súa realización da ruta de Riamonte. Pódese consultar nesta ligazón. Ou ver a ruta neste mesmo blog:

A noticia na web municipal

Unha Illa Mariñeira

2010-05-25T18:07:00.003+02:00

Rematamos coas actividades do curso escolar: Un mar de lecturas!

Como colofón das actividades do curso e continuando coa colaboración coa Aula da Natureza, realizaremos unha excursión á Illa de Arousa, o sábado 12 de xuño.

Actividade para rapaces e raparigas de 3º de Primaria a 2º da ESO.
É necesario anotarse previamente nas Bibliotecas ou na Concellaría de Medio Ambiente.
Inscricións: do 24 de Maio ao 7 de Xuño.
Prezo 3€
*Terán prioridade os participantes dos obradoiros realizados durante o curso.

Bus:
Saída ás 9,30h. da Biblioteca de Bertamiráns e 9,45 da Biblioteca do Milladoiro.
Volta 17,45h. Milladoiro, 18h. Bertamiráns.

Notica na web municipal

Programa de actividades: Letras galegas 2010

2010-05-14T10:07:00.001+02:00

Luns 17: Acto Literario Musical, Casa da Cultura do Milladoiro, 18h.

Actuación da Escola Municipal de Música
Entrega dos premios do VII Certame Literario e do II Certame Intercentros Concello de Ames

Xoves 20: Homenaxe a Uxío Novoneyra, Casa da Cultura de Bertamiráns, 20,30h.

Ramón Lorenzo: Achegamento á figura de Novoneyra
Xandobela: Uxío Novoneyra na voz da xente: contacontos musicado

Mércores 26: Camiños de amor e lúa, Casa da Cultura do Milladoiro, 20h.

Recital poético de Olaia Cociña con acompañamento de música en directo

Venres 28: III Festa da Lingua, Casa da Cultura de Bertamiráns, 20,30h. (entrada de balde con convite)

Talía Teatro, Celso Sanmartín, A Banda da Balbina
Espido: presenta Belén Regueira. Manifestos: Carlos Negro e Belén Regueira.
Entrega do I Premio Rosalía de Castro de Lingua

Do 17 ao 30 de Maio: Exposición sobre Uxío Novoneyra, nas Casas da Cultura de Bertamiráns e do Milladoiro.

A noticia na web municipal: Maio é o mes das Letras Galegas en Ames

Letras Galegas 2010

2010-05-03T10:25:00.004+02:00

Uxío Novoneyra (1930-1999), foi a persoa escollida para homenaxear nas Letras Galegas 2010.

Poeta da Terra que encumbrou O Courel na mitoloxía literaria galega.

A Biografía á que se pode acceder na ligazón inicial foi preparada pola Real Academia Galega. Pódese consultar máis información sobre o autor nos seguintes lugares:

Desde a Biblioteca preparamos o seguinte dossier que se pode descargar para consulta

Actividades na Biblioteca: Maio de 2010

2010-04-30T10:30:00.003+02:00

Un mar de lecturas:
Continuan as actividades relacionadas co mar en Maio na Biblioteca.

Contacontos: Para nenos e nenas maiores de 3 anos

Mércores 5 ás 18h. na Biblioteca do Milladoiro
Xoves 6 ás 18h. na Biblioteca de Bertamiráns
Martes 18 ás 18h. no Local social de Bugallido
Mércores 19 ás 18h. na Biblioteca de Bertamiráns
Xoves 20 ás 18h. na Biblioteca do Milladoiro

Obradoiro: Baixo a luz dos faros
Sábado 8 de maio

Para 3º, 4º e 5º de Primaria.
Horario de 11,30 a 13h. Na Aula de Natureza
Inscrición: do 19 de abril ao 3 de maio nas bibliotecas e na Concellaría de Medio Ambiente

Bus: Saida desde a Biblioteca do Milladoiro ás 11h. Saída desde a Biblioteca de Bertamiráns ás 11,15h. Volta ás 13,15 e 13,30h.

Noticia na web Municipal
Noticia en La Voz de Galicia
O Obradoiro na web municipal

Literatura na Praza: día do libro

2010-04-13T10:10:00.003+02:00

Con motivo da celebración do Día do Libro, o Concello dinamiza na rúa coa actividade Literatura na Praza que se realizará o sábado 17 de abril a partir das 16,30h. na Praza do Concello de Bertamiráns.

Programa:

16,30h. Contacontos con Bea Campos de Migallas Teatro, organizado pola Biblioteca municipal, para maiores de 4 anos.
17h. Presentación do libro As razóns do galego, o apelo á cidadanía de Henrique Monteagudo que contará coa presenza do autor e de Víctor Freixanes.
18h. Acto Literario musical: lecturas dos textos premiados no VI Certame Literario Concello de Ames, e actuación musical do Dúo de Zanfonas Samuel e Víctor.

De 16,30 a 20h. exposición e venda de libros (co 10% de desconto) coa participación das librerías Boas e novas, Lenda e Nenos-nais.

A noticia na web municipal (13/04/10)
A noticia en La Voz de Galicia (14/04/10)
A noticia na web municipal (17/04/10)
A noticia en La Voz de Galicia (18/04/10)

Actividades na Biblioteca: Abril de 2010

2010-04-05T10:00:00.003+02:00

Un mar de lecturas:
Continuan as actividades relacionadas co mar en Abril na Biblioteca.

Contacontos: Para nenos e nenas maiores de 3 anos

Mércores 7 ás 18h. na Biblioteca do Milladoiro
Xoves 8 ás 18h. na Biblioteca de Bertamiráns
Luns 19 ás 18h. no Local social de Augapesada
Martes 20 ás 18h. no Local social de Bugallido
Mércores 21 ás 18h. na Biblioteca de Bertamiráns
Xoves 22 ás 18h. na Biblioteca do Milladoiro

Obradoiro: Descubre os mamíferos mariños

Sábado 24 de abril

Para 6º de Primaria e 1º e 2º da ESO Horario de 11,30 a 13h. Na Aula de Natureza
Inscrición: do 5 ao 20 de abril nas bibliotecas e na Concellaría de Medio Ambiente
Bus: saida desde a Biblioteca do Milladoiro ás 11h.Saída desde a Biblioteca de Bertamiráns ás 11,15h. Volta ás 13,15 e 13,30h.

A Noticia na web municipal (07/04/10)
A Noticia na web Municipal (19/04/10)
A Noticia na web municipal (26/04/10)

Abril: mes dos libros

2010-03-26T20:20:00.002+01:00

Abril é o mes dos libros: o día 2 de abril celébrase o día do libro infantil para comemorar a data en que naceu Hans Christian Andersen (2 de abril de 1805) e o 23 de abril é a data declarada pola UNESCO Día Internacional do Libro xa que coincide coa datas da morte de Cervantes e do nacemento de Shakespeare.

Para celebrar esta efeméride na biblioteca preparamos o Espazo do Album Ilustrado co lema: Descobre os Albuns Ilustrados: idades recomendadas de 0 a 99 anos, que quere dar a coñecer, durante todo o mes, os fondos deste tipo de obras cos que contamos na biblioteca.

O Albun Ilustrado é unha obra literaria, polo xeral destinada ao público infantil, aínda que o hai para todas as idades, que se caracteriza por xuntar nunha mesma páxina o texto e as ilustracións. Estas teñen, nestes libros, unha igual ou superior importancia á do contido textual, de maneira que o sentido da obra despréndese da relación entre texto e imaxe e só se pode comprender grazas a esa relación tan coidada. Normalmente son de tapa dura e de curta extensión.

Isto é o que serve para definilo, pero como no resto das obras literarias, os seus temas, xéneros e formas son múltiples e diferentes. É por isto que queremos dar a coñecer este tipo de obras, que na biblioteca están misturados co resto dos fondos documentais e que nesta ocasión queremos traelos á vista e dalos a coñecer aos usuarios.

Entre as editoriais galegas que máis traballan este tipo de obras están Kalandraka e OQO que teñen obras xa moi coñecidas polo público e recoñecidas con premios nacionais e internacionais. Pero ademais presentaremos outras obras, incluídas algunhas xuvenís e para adultos.

Este ano a preparación do material do Día Internacional do Libro Infantil foi encargado polo IBBY (International Board on Books for Young People) á súa organización representante española a OEPLI. O texto deste ano foi escrito pola autora Eliacer Cansino co lema Un libro espera por ti; búscao!, traducido ao galego por Ánxela Gracián. A ilustración é obra de Noemi Villamuza.

O IBBY lémbranos que este ano vaise celebrar no noso país o 32º Congreso Internacional desta organización co lema A Forza das minorías, do 8 ao 12 de setembro en Santiago de Compostela.

A noticia na web municipal.

VII Certame Literario Concello de Ames 2010

2010-03-05T17:43:00.008+01:00

Dirixido a todos os e as amantes da literatura, sexa cal sexa a súa procedencia, este concurso é xa un referente para os novos creadores e creadoras, e supón unha boa oportunidade para todas aquelas persoas que desexen medir a súa capacidade para escribir e os límites da súa imaxinación. Nas seis edición que se levan organizado presentáronse máis de 1.000 traballos.

Son tres as categorías existentes en cada modalidade do certame. Os nenos e nenas que teñan ata 13 anos poderán participar na primeira categoría, mentres que a segunda está dirixida a rapaces de 14 a 18 anos e a terceira ás persoas de máis 18 anos. Haberá tres premios en metálico por cada unha destas franxas de idade en ambas as modalidades, que serán de 120 euros, 90 euros e 60 euros na primeira categoría, 150 euros, 120 euros e 90 euros na segunda e 210 euros, 150 euros e 120 euros na terceira. Os gañadores anunciarase publicamente o 11 de maio e os premios entregaranse o 17 de maio, nun acto público, que se celebrará na Casa da Cultura do Milladoiro.

Todas as persoas que desexen participar no certame deberán enviar antes do 17 de abril de 2010 catro exemplares do seu texto ao enderezo Concello de Ames (Servizo de Normalización Lingüística), Avenida de Azcárraga nº 5, Bertamiráns, 15220 Ames, A Coruña. A extensión mínima será de 2 páxinas en narrativa e de 20 versos en poesía, mentres que a máxima será de 6 páxinas en narrativa e de 50 versos en poesía. O tema é libre e só se poderá presentar un traballo por persoa en cada unha das modalidades.

Bases do certame.

A Noticia na web municipal

Resumo da campaña Con Haití no corazón

2010-03-03T10:13:00.003+01:00

Moitas grazas a todas e todos por participar!

Agradecemos a todas as persoas e entidades que colaboraron coa Biblioteca no desenvolvemento da campaña de recadación de fondos para Haití.

As entidades que colaboraron foron:

Intermón Oxfam
Adames
ANPA da Escola Infantil do Milladoiro
ANPA do CEIP de Ventín
Ademais contamos coa colaboración de usuarias da biblioteca e de compañeiras do Concello que colaboraron connosco na elaboración dos corazóns ademais de contribuir á venda dos mesmos.

A cantidade total recada foi de: 2.502,38€ dos que:

1.737,70€ corresponden ao recadado nas dúas bibliotecas pola venda de corazóns e libros.
511,78€ das doazóns aportadas polas nais e pais da Escola Infantil do Milladoiro
252,90€ das doazóns aportadas polas nais e pais do CEIP de Ventín

Outras iniciativas:
Desde Ames desenvolvéronse outras iniciativas provenientes tanto da administración como da sociedade civil.

A Biblioteca organizou ademais unha charla con José Luis Quintelá Juliá director da ONG Intermón Oxfam para Galicia, Asturias e León para falarnos da súa organización e do traballo que desenvolven en Haití.

Aínda estás a tempo de participar noutras iniciativas:
O Club de Atletismo MillaRaio organiza a I Carreira Solidaria de Axuda para Haití

Actividades na Biblioteca: Marzo de 2010

2010-02-27T11:00:00.006+01:00

Un Mar de Lecturas:
actividades relacionadas co mar en Marzo na Biblioteca.

Contacontos:
Para nenos e nenas maiores de 3 anos

Mércores 3 ás 18h.: Biblioteca do Milladoiro
Xoves 4 ás 18h.: Biblioteca de Bertamiráns
Luns 15 ás 18h.: Local social de Augapesada
Martes 16 ás 18h.: Local social de Bugallido
Mércores 17 ás 18h.: Biblioteca de Bertamiráns
Xoves 18 ás 18h.: Biblioteca do Milladoiro

A Situación en Haití e o traballo de Intermón Oxfam

2010-02-17T11:42:00.006+01:00

Charla con José Luis Quintela Julián
Director de Intermón Oxfam para Galicia, Asturias e León

Martes 23 de Febreiro ás 19,30h. na Biblioteca de Bertamiráns
Mércores 24 de Febreiro ás 19,30h. na Biblioteca do Milladoiro

*Contaremos con servizo de gardería

Aviso de Peche

2010-02-10T10:15:00.000+01:00

O Martes 16 de Febreiro, Martes de Entroido, a Biblioteca permacerá pechada en horario de tarde.

Desculpen as molestias

Segundo aniversario do Blog da Biblioteca

2010-02-09T10:00:00.001+01:00

O 9 de febreiro de 2008 publicamos a nosa primeira noticia (post) presentando a publicación deste blog coa intención de difundir entre os nosos usuarios as novas e as actividades relacionadas coa biblioteca.

Desde entón levamos publicadas un total de 91 noticias, con esta de hoxe: 44 publicadas no ano 2008 e 41 no 2009. Fomos visitados 3.380 veces por 2.006 visitantes únicos, que pasaron no noso blog unha media de 1,37 minutos.

O número medio de visitas por día foi de 4,6. O 41% dos nosos visitantes repiten a visita ás noticias do blog mentres que o 59% só pasou por aquí unha única vez.

O Blog contén, ademais das noticias, información sobre a biblioteca: horarios, servizos, etc, un calendario coas actividades de animación. No último ano engadíuse o acceso a videos a través do Canal YouTube da Biblioteca. Ampliaronse as fotografías disponibles con imaxes da publicidade das actividades, fotografías de actividades anteriores ao 2009 e as correspondentes ao curso 2009-2010.

As fotografías das actividades son as que concentran un maior número de visitas ao blog e ao servizo de aloxamento das fotografías a través do Picasa de Google.

O blog permite a subscrición ás noticias a través do email persoal e a sindicación de lectura das noticias a través de lectores RSS que permiten estar ao día da información que se vai publicando desde a biblioteca.

Como curiosidade temos que indicar que, ademais das provenientes de España, contamos con visitas de outros 22 países. Entre os primeiros destacan por orde Brasil, Estados Unidos de América e Portugal.

Actividades Biblioteca Febreiro de 2010

2010-02-01T17:00:00.000+01:00

Con Haití no corazón:
Continúa a campaña de recadación de fondos para paliar a situación da poboación en Haití.

- Contacontos para maiores de 3 anos:
Mércores 3: ás 18h. na Biblioteca do Milladoiro
Xoves 4: ás 18h. na Biblioteca de Bertamiráns

- Entroido:
Preparación de disfraces:
Na semana do 8 de febreiro nas dúas bibliotecas
Inscrición: do 25 de Xaneiro ao 5 de Febreiro nas bibliotecas
*Avisarase ás persoas inscritas do día e hora de realización dos disfraces.

Festa entroido:
Sábado 13 de Febreiro ás 18h. na Praza de Chavián en Bertamiráns
Sábado 13 de Febreiro ás 18h. na Praza de Manuel Murguía no Milladoiro

- Obradoiros:

Nós mariñeiros: aprende a facer nós
Rapaces e raparigas de 6º de Primaria e 1º e 2º da ESO
Biblioteca do Milladoiro: sábado 20 de febreiro ás 11,30h.
*Inscricións do 1 ao 15 de febreiro nas bibliotecas
Autobús desde a biblioteca de Bertamiráns ás 11h. (volta às 13,30h.)

Que comemos do mar?
Rapaces e raparigas de 3º, 4º e 5º de Primaria
Biblioteca de Bertamiráns: sábado 27 de febreiro ás 11,30h.
*Inscricións do 8 ao 22 de febreiro nas bibliotecas
Autobús desde a biblioteca do Milladoiro ás 11h. (volta às 13,30h.)

Noticia na web municipal

Con Haití no corazón

2010-01-27T16:40:00.012+01:00

Descarrega e Difunde:

Notícia:

A Biblioteca de Ames comeza unha campaña de solidariedade destinada a recadar fondos para paliar os efectos do terremoto sobre a poboación de Haití.

A campaña baixo o lema de Con Haití no corazón realizarase nas dúas bibliotecas de Ames, en Bertamiráns e no Milladoiro. Para a recadación poñeranse á venda, ao prezo da vontade, libros expurgados dos fondos e libros duplicados que se encontran no almacén da biblioteca. Algúns dos libros son usados pero unha boa parte son novos e en bo estado.

Ademais poñerase á venda un corazón de fieltro coa palabra Haití que será realizado pola Asociación Adames de persoas con discapacidade. Este corazón poñerase á venda ao prezo simbólico de 2€.

Todo o diñeiro recadado será ingresado na ONG Intermón Oxfam. A elección desta entidade foi motivada porque se preferiu contar cunha organización que se encontrase no país e que ademais contribuíse á mellora das condicións da poboación, nunha situación moi precaria nun país con millares de persoas danificadas. Intermón Oxfam traballa no reparto e tratamento de potabilización de auga, ademais doutros proxectos de axuda ao desenvolvemento que realizan desde fai anos no país.

A recadación realizarase semanalmente en cada biblioteca e anótarase o total recadado facéndose de maneira transparente: publicando semanalmente a cantidade recadada para que os usuarios coñezan o que se recada e o que se ingresa. Cada luns ingresarase a cantidade recadada na semana anterior na conta desta ong.

A duración da campaña non está determinada xa que dependerá de como vaia evolucionando a situación no país. Contaremos ademais coa presenza de representantes de Intermón Oxfam que nos presentarán a súa organización e falarán do seu traballo e da situación actual en Haití.

ONG e outras entidades que están traballando en/por Haití ou recadando fondos para mellorar a situación da poboación (da web de RTVE).

Noticia na web Municipal

Noticia en La Voz de Galicia

Entroido 2010: comparsa da Biblioteca

2010-01-26T12:38:00.000+01:00

A Biblioteca participa no entroido cunha comparsa que acudirá á festa organizada polo concello o Sábado 13 de Febreiro.

Este ano os disfraces irán sobre a temática do curso escolar e iremos disfrazados dun animal mariño. Ven disfrazarte connosco!

Inscricións do 25 de Xaneiro ao 5 de Febreiro nas Bibliotecas.

Disfraces na semana do 8 de Febreiro.

*Nota: avisarase de lugar e hora de realización dos disfraces ás persoas inscritas.

Festa:

Bertamiráns: Sábado 13 ás 18h. na Praza de Chavián
O Milladoiro: Sábado 13 ás 18h. na Praza de Manuel Murguía

Imaxe da festa do 2009 en Bertamiráns

Estatísticas da Biblioteca ano 2009

2010-01-21T12:38:00.012+01:00

Datos xerais a 31 de decembro de 2009.

É significativo o aumento da poboación do concello que supera por 1 persoa os 28.000 habitantes, aproximadamente 1.000 persoas máis que no ano anterior.

Fondos documentais: 23.174 (incremento con respecto ao 2008 de 1.303 novos documentos)
A media de documentos por habitante é de 0,83 doc./hab.

Usuarios: 4.403 (incremento de 346 persoas con respecto ao 2008)
Porcentaxe da poboación que é usuaria da biblioteca: 15,72%

Empréstamos: 21.947
Préstamos por habitante: 0,78 prest./hab.
Préstamos por asociados: 5 prest./socio

Visitantes: durante o ano 2009 utilizaron a biblioteca 39.936 persoas

Participantes nas actividades organizadas pola biblioteca: 3.911 persoas

Consultas ao catálogo da Biblioteca: entre as dúas bibliotecas o seu catálogo foi consultado 785.112 veces situándose, desta maneira, na terceira biblioteca municipal máis consultada da Rede de Bibliotecas de Galicia:

Noticia na web municipal
Noticia en El Correo Gallego: Las bibliotecas municipales de Ames recibieron 40.000 visitas
Noticia en La Voz de Galicia: La Biblioteca de Ames es la tercera en número de consultas de la red gallega

Actividades animación á lectura Xaneiro 2010

2010-01-18T09:00:00.000+01:00

Continuamos coas actividades do mar. Neste trimestre contaremos de novo con obradoiros e excursións para rapaces e raparigas. Mentras tanto, para que nos vaiamos animando, comezaremos cos contacontos para maiores de 3 anos, sen esquecer que, a final de mes, xa nos poderemos anotar á comparsa de entroido.

Contacontos:
Para nenos e nenas maiores de 3 anos
Todas as actividades ás 18h.

Luns 18: Local social de Augapesada
Martes 19: Local Social de Bugallido
Mércores 20: Biblioteca de Bertamiráns
Xoves 21: Biblioteca do Milladoiro
Venres 22: Local Social de Aldea Nova

Entroido:
Comparsa: No Mar
Participa na comparsa conxunta da Biblioteca e da Aula da Natureza
Elaboración de disfraces na semana do 8 de Febreiro nas bibliotecas
*Inscricións: do 25 de Xaneiro ao 5 de Febreiro nas bibliotecas e na concellaría de Medio Ambiente
Festa do entroido sábado 13 de Febreiro.

Cabalgata de Reis

2009-12-29T19:35:00.000+01:00

A Biblioteca participará o Luns 5 de xaneiro nas Cabalgatas de Reis que se realizarán:

No Milladoiro ás 17h. co percorrido desde a Casa da Cultura do Milladoiro á Praza de Manuel Murguía
En Bertamiráns ás 19h. co percorrido desde o Pazo da Peregrina á Praza de Chavián.

As persoas que participan coa biblioteca na cabalgata deberán estar media hora antes da cabalgata para prepar os disfraces:

Milladoiro: ás 16,30h. na Casa da Cultura
Bertamiráns ás 18,30h. no Pazo da Peregrina

En caso de chuvia as dúas cabalgatas trasladaránse aos respectivos pavillóns polideportivos.

Nota Importante:
Con motivo da participación nas cabalgatas as Bibliotecas permanecerán pechadas ao público en horario de tarde.

Lepi presenta o agasallo de nadal da Biblioteca

2009-12-16T10:00:00.000+01:00

Xa sabes que Lepi, a mascota da Biblioteca, ten desde hai varios anos a iniciativa de solicitarlle aos Reis Magos un agasallo para os nenos e as nenas do noso concello.

Este ano as bibliotecas desenvolven un programa de animación que se chama Un mar de Lecturas que trata o tema do mar. Se tiveches a oportunidade de pasar pola biblioteca nestes últimos meses verías que a decoración está formada por polbos, peixes, cabaliños de mar e outros seres mariños que acompañan as nosas actividades.

Coa finalidade de que continúes mergullándote na lectura, os Reis Magos deixaron fai uns días o agasallo no concello. Son agora os paxes reais os encargados de achegalo ás túas mans coa esperanza de facerche gozar de bos momentos de lectura.

Lepi confía ademais en que con este agasallo te animes a continuar lendo e gozando doutras historias e doutras lecturas e por iso quere que saibas que na biblioteca podes encontrar outros libros, películas, música e outros materiais cos que poderás navegar nun mundo de información, de coñecementos e de soños. Poderás gozar da lectura, conectarte á internet e participar nas actividades de animación que se realizan.

Lepi quere que compartas a biblioteca cos teus amigos e amigas, co teu pai, a túa nai e toda a túa familia. A biblioteca é un espazo aberto a toda a cidadanía na que se poden realizar actividades e utilizar os seus servizos simplemente contando co carné de asociado.

Un saúdo moi cariñoso
Carlos A. Fernández Castro
Alcalde de Ames

PD: os nenos e as nenas que non reciban o agasallo poderán pasar a recollelo nas bibliotecas a partir do día 23 de decembro.

Actividades de Animación á Lectura: Decembro

2009-11-30T10:00:00.000+01:00

Contacontos:
Para nenas e nenos maiores de 3 anos
Todas as actividades ás 18h.

Mércores 2: Biblioteca do Milladoiro
Xoves 3: Biblioteca de Bertamiráns

Luns 14: local social de Augapesada
Martes 15: local social de Bugallido
Mércores 16: Biblioteca de Bertamiráns
Xoves 17: Biblioteca do Milladoiro
Venres 18: local social de Aldea Nova

Cabalgata de Reis

Disfraces:

Do 1 ao 18 de decembro inscrición para participar na Cabalgata de Reis coa Biblioteca.

Durante as semanas do 21 ao 23 e do 28 ao 30 de decembro prepararemos os disfraces nas bibliotecas.

Avisarase de día e hora de elaboración dos disfraces ás persoas inscritas.

Actividades de Animación á Lectura: Novembro

2009-10-26T17:08:00.024+01:00

Continuamos coas actividades de Un mar de Lecturas durante o mes de novembro:

Contacontos:
Maiores de 3 anos

Mércores 4: biblioteca de Bertamiráns
Xoves 5: biblioteca do Milladoiro
Luns 16: local social de Augapesada
Martes 17: local social de Bugallido
Mércores 18: biblioteca do Milladoiro
Xoves 19: biblioteca de Bertamiráns
Venres 20: local social de Aldea Nova

Todas as actividades serán ás 18h.

Obradoiros:

Candeas Mariñas:

Sábado 7 de novembro ás 11,30h. na Biblioteca de Bertamiráns
Idades: 6º de primaria e 1º e 2º da ESO
*Inscricións do 19 de outubro ao 2 de novembro nas bibliotecas e na concellería de Medio Ambiente
*Autobús desde a biblioteca do Milladoiro: saída ás 11h., volta ás 13,30h.

Excursións: atención ás excursións: cambio de lugares a visitar e horarios!

Acuário da Coruña

Sábado 21 de novembro
Idades: 3º, 4º e 5º de Primaria
Saída : 9,30h. Biblioteca de Bertamiráns. 9,45h. Biblioteca do Milladoiro
*Inscricións: do 31 de outubro ao 13 de novembro nas bibliotecas e na concellería de Medio Ambiente, terán prioridade os participantes nos obradoiros
*Prezo: 3€
*Nota: os horario concretos de saida e regreso será informado aos participantes nos días previos á excursión

Acuário do Grove

Sábado 28 de novembro
Idades: 6º de Primaria e 1º e 2º da ESO
Saída : 9,15h. Biblioteca de Bertamiráns. 9,45h. Biblioteca do Milladoiro
*Inscricións: do 7 ao 23 de novembro nas bibliotecas e na concellería de Medio Ambiente, terán prioridade os participantes nos obradoiros
*Prezo: 3€
*Nota: os horario concretos de saida e regreso será informado aos participantes nos días previos á excursión

Mobilízate pola selva

2009-10-09T16:53:00.004+02:00

A Biblioteca de Ames, xunto coa Aula de Natureza e outros servizos do Concello, participa na campaña Mobilízate pola Selva organizada polo Instituto Jane Goodall e colaborando co CEIDA e a Obra Social de Caixa Galicia.

Esta campaña consiste na recollida de teléfonos móbiles para contribuir:

a reutilizar os terminais e reducir a demanda dos seus conponentes
a reciclar elementos útiles evitando a contaminación do medio
a recadar fondos para os programas de desenvolvemento, educación e conservación no Congo

Na Biblioteca poderás entregar o teu teléfono móbil e se o desexas participar no sorteo mensual para apadriñar anualmente un chimpacé do programa Chimpamigos do Instituto Jane Goodall.

Por cada 30 móbiles recollidos a Biblioteca poderá apadriñar un chimpancé.

Anímate a participar!

Máis información:
Web municipal
Web da campaña
Instituto Jane Goodall

Un mar de lecturas: curso 2009-2010

2009-09-23T16:48:00.003+02:00

O Curso 2009-2010 estará dedicado ao mar nas Bibliotecas.

O lema escollido este ano é o de Un mar de lecturas, co que queremos atraer os nenos e as nenas á biblioteca ofrecendo actividades periódicas durante o curso escolar.

Como novidades nesta ocasión ampliamos as idades dos destinatarios coa finalidade de incluir novos grupos de participantes:

maiores de 3 anos con contacontos
3º, 4º e 5º de primaria: obradoiros e excursións
6º de primaria e 1º e 2º da ESO: obradoiros e excursións

Tamén establecemos de maneria periódica a realización de obradoiros e de visitas relacionadas coa actividade do mar que nos levarán a lugares da costa para continuar coas actividades.

Como a temática está relacionada directamente co coñecemento do noso entorno vamos contar coa colaboración da Concellaría de Medio Ambiente a través da Aula da natureza coa que realizaremos en conxunto os obradoiros e as visitas.

Presentamos a continuación o calendario correspondente ao mes de Outubro:

Un mar de lecturas: Contacontos: (maiores de 3 anos)
Horario: todas as actividades serán ás 18h.

Mércores 7: Biblioteca do Milladoiro
Xoves 8: Biblioteca de Bertamiráns
Luns 19: local social de Augapesada
Martes 20: local social de Bugallido
Mércores 21: Biblioteca de Bertamiráns
Xoves 22: Biblioteca do Milladoiro
Venres 23: local social de Aldea Nova

Un mar de lecturas: Obradoiro: A Praia

Sábado 31: Biblioteca do Milladoiro

Dirixido a: 3º, 4º e 5º de primaria
Autobus desde a Biblioteca de Bertamiráns (saída 11h.)
Inscricións: do 5 ao 23 de outubro nas Bibliotecas e na concellería de Medio Ambiente

A noticia na web municipal
A noticia en La Voz de Galicia

Avaliación das Bibliopiscinas 2009

2009-09-09T16:50:00.003+02:00

A pesar do mal tempo do mes de Xullo as bibliopiscinas incrementaron o número de participantes con respecto ao ano anterior.

Entre os meses de xullo e agosto pasaron polas Bibliopiscinas de Ames 8.377 persoas. Perto de 600 persoas máis que en 2008 no que se chegou á cifra de de 7.784 participantes. Aínda que o tempo no mes de xullo non axudou moito a que as persoas se animasen a asistir ás piscinas e a área recreativa de Tapia, as bibliopiscinas conseguiron abrir un bo número de días que xunto ao bo tempo do mes de agosto permitiu recuperar a asistencia e a participación.

Por idades os nenos e as nenas foron os maioritarios no uso con 5.108 participantes mentres que os adultos chegaron a 3.269. Por xéneros as nenas superan aos nenos en 200 participantes: 2.672 nenas frente a 2.436 nenos. E nos adultos as mulleres sobrepasan aos homes en 400 participantes: 1.819 mulleres frente a 1.450 homes.

Por Bibliopiscinas a máis utilizada foi a de Tapia con 4.959 usuarios, seguida do Milladoiro con 2.171 e Bertamiráns con 1.247.

Actividades:
En canto ás actividades o número total de participantes foi de 655, 240 participantes menos que no ano 2008 no que se chegou aos 893 asistentes. A este número hai que sumar os participantes da festa de despedida o sábado 29 de agosto en Tapia á que asistiron unhas 150 persoas.

Esta diminución débese en grande medida a que coincidiu o día de peche das bibliopiscinas por mal tempo cos días das actividades. As bibliopiscinas de Tapia e do Milladoiro só realizaron 6 actividades nos dous meses de verán, mentras que a de Bertamiráns conseguiu realizar 9 actividades.

Festa:
Na festa, realizada o sábado 29 de agosto, contouse coa asistencia dunhas 150 persoas que participaron dos xogos e obradoiros realizados pola empresa Xandobela, encargada de xestionar as Bibliopiscinas, ou que asistiron ás actuación de Burromaquia: contos populares da Tía Lola, da comarca do Deza, co burro como protagonista, interpretados pola compañía Fantoches Baj. O espectáculo teatral-musical dos Tres Tenedores cos instrumentos musicais como tema. E acompañados na presentación da festa polo Xigante Zampón e a Dragona Ramona.

Noticia na web municipal
Noticia en La Voz de Galicia

Clubs de lectura para adultos

2009-08-30T09:26:00.002+02:00

Comezamos un novo curso coas actividades de adultos nas bibliotecas.

Outubro 2009-Maio 2010

Lecturas individuais e comentarios en grupo dos libros escollidos polos participantes.

Biblioteca de Bertamiráns: luns ás 20,30h.
Biblioteca do Milladoiro: martes ás 20,30h.

Número mínimo de inscritos: 15 persoas

Prazo de inscrición: do 1 ao 30 de setembro nas bibliotecas.

En caso de non cubrir o número mínimo de inscricións as actividades poderán suspenderse.

Horario de Inverno

2009-08-28T12:25:00.000+02:00

Do 1 de Setembro de 2009 ao 30 de Xuño de 2010

Luns a Venres:
Mañás: de 10 a 13h.
Tardes: de 16,30 a 21h.

Sábados:
Mañás: de 11 a 14h.

Os Domingos e festivos a Biblioteca permanecerá pechada

Festa das Bibliopiscinas

2009-08-19T08:15:00.005+02:00

Sábado 29 de agosto de 2009, a partir das 17h. na área recreativa de Tapia*

Actividades:

Xogos populares:

De 17 a 18h: xogos populares, obradoiros (construción de papaventos, boliches e zoadeiras), xogos predeportivos do máis variado.

Visita dos cabezudos Zampón o Lambón e a Dragona Ramona. O xigante Zampón, o devorador de palabras máis voraz de toda a contorna, e a súa mascota Ramona achéganse ás piscinas para compartir un día de festa. Con xente de tanta alcurnia non faltará o baile.

Contacontos:

De 18 a 19h: Burromaquia: espectáculo de narración oral da Compañía Fantoches Baj : contos, fábulas, poemas e cancións. Nestas historias o protagonista principal é o burro da Tía Lola, personaxe que popularizaron por toda Galicia os gaiteiros Os Dezas de Moneixas no seu pasadobre O burro da Tía Lola.

Música:

De 19 a 20h: Ensalada de Instrumentos cos Tres Tenedores. Os espectáculos dos Tres Tenedores mesturan música, teatro, danza e, sobre todo, moito humor. Un espectáculo familiar, ideal para todas as idades.

*En caso de mal tempo a actividade trasladarase ao salón de actos da Casa da Cultura de Bertamiráns.

Noticia na web municipal
Noticia en El Correo Gallego
Noticia en La Voz de Galicia

Visita da Escola de Verán á Biblioteca

2009-08-12T09:11:00.005+02:00

A Escola de Verán do Milladoiro visita a biblioteca.

O martes 11 e o xoves 13 de agosto a biblioteca do Milladoiro recibiu a visita dos nenos e as nenas participantes da escola de verán desta localidade.

O Martes 11 a visita foi realizada con 22 nenos e nenas de 3 a 7 anos, e o xoves 13 achegáronse 30 participantes de 8 a 12 anos, acompañados polas monitoras do servizo.

Na visita explicóuselles o funcionamento da biblioteca, realizáronse varios contacontos adaptados ás súas idades e un pequeno obradoiro sobre os contos narrados que continuan a temática do curso escolar: Lúas e estrelas para que leas.

Aos participantes entregóuselles unha ficha de inscrición e a guía da biblioteca coa finalidade de animar aos que ainda non son socios a que se fagan usuarios do servizo da biblioteca.

Entre os contacontos narrouse:

Paco de Paula Carballeira ilustrado por Blanca Barrio e A lombriga que nunca vira o sol de Francesc Rovira e Elisa Ramón.

Actividades nas Bibliopiscinas

2009-06-25T20:09:00.007+02:00

O día 1 de Xullo comezan as bibliopiscinas que se prolongarán até o o 29 de Agosto no que rematán cunha festa.

As Bibliopiscinas están situadas nas piscinas do Milladoiro e de Bertamiráns e na área recreativa de Tapia.

Diariamente teremos a Hora do conto ás 18h. acompañando as merendas dos máis cativos.
Semanalmente contaremos con Contacontos e actividades ás 18h.
- Martes na bibliopiscina do Milladoiro
- Mércores na bibliopiscina de Tapia
- Xoves na bibliopiscina de Bertamiráns

Lembramos que en caso de mal tempo as bibliopiscinas poden pechar interrumpíndose as actividades dese día.

Noticia na web Municipal.

Horario de Verán

2009-06-11T18:51:00.008+02:00

Horario de atención ao público nos meses de verán:

desde o 1 de Xullo ao 31 de Agosto: Mañás de 10 a 14h.

Polas tardes o servizo de lectura estará nas Bibliopiscinas:

Milladoiro e Bertamiráns:

de luns a venres de 16,30 a 20,30h.

Tapía: de luns a domingo:

do 1 de Xullo ao 16 de Agosto: de 16,30 a 21h.
do 17 ao 29 de Agosto: de 16,30 a 20h.

*En caso de mal tempo as bibliopiscinas poderán pechar suspendéndose as actividades dese día.

Móllate na Lectura, 2009!

2009-06-11T18:50:00.018+02:00

As Bibliopiscinas son un servizo de animación á lectura que leva os libros aos lugares de lecer nos meses de verán. Nas piscinas municipais do Milladoiro e Bertamiráns, e na área recreativa de Tapia, contamos con este programa estable de animación á lectura que permite que todas as persoas de calquera idade podamos ler e acceder ao empréstamo de libros mediante a presentación do carné da bibliopiscina ou de calquera outro carné municipal.

Ademais de libros, as bibliopiscinas, contan con prensa, xogos de mesa para todas as idades e xoguetes para os máis pequenos.

Horarios:
Bibliopiscinas de Bertamiráns e do Milladoiro:
de luns a venres de 16,30 a 20,30h.

Bibliopiscina de Tapia:
- do 1 de xullo ao 16 de agosto: de luns a domingo de 16,30 a 21h.
- do 17 ao 29 de agosto: de luns a domingo de 16,30 a 20h.

Actividades:
- Hora do conto: todos os días ás 18h.
- Contacontos:

Milladoiro: os martes ás 18h.
Tapia: os mércores ás 18h.
Bertamiráns: os xoves ás 18h.

*En caso de mal tempo poderán suspenderse as actividades.

Festa:
O sábado 29 de agosto a partir das 17h. Festa das Bibliopiscinas na área recreativa de Tapia.

* En caso de mal tempo a festa trasladarase ao salón de actos da Casa da cultura de Bertamiráns
*Sairá publicidade específica co programa da festa.

Noticia na web municipal

Novo carné e nova guía da Biblioteca

2009-06-05T10:00:00.001+02:00

Carné:

O carné é algo moi demandado polos usuarios que levan anos solicitando que se fixese un carné dun tamaño adecuado para poder ser manexado con comodidade.

Até o momento o carné utilizado era aportado polo Servizo de Bibliotecas da Xunta de Galicia, en cartolina e cun tamaño moi poco manexábel. Pasamos agora a ter un carné de tamaño estándar, coa imaxe corporativa da biblioteca e a nosa mascota, Lepi.

Como dato a salientar temos que indicar que os datos persoais quedarán en mans da biblioteca nas fichas de inscrición pero deixarán de figurar nos carnés, respectando desta maneira a lei de protección de datos, e só incluirá número de asociado e nome e apelidos desaparecendo do carné o resto da información persoal.

Ademais o novo carné non levará fotografía polo que só será necesario entregar unha para incluir na ficha persoal na biblioteca. Por este motivo poderáselle reclamar aos usuarios que mostren un documento de identidade en caso de dúbida sobre a mesma.

Hai que lembrar que o carné ten unha validez de 3 anos e que pasado este tempo haberá que renovalo ou será dado de baixa. Os cambios nos datos aportados á biblioteca tamén será necesario actualizalos en caso de cambios.

Guía da Biblioteca:

A Guía da biblioteca contribúe a sintetizar a información recollida no Regulamento da Biblioteca, información básica referida a horarios do servizo, como asociarse, tipos de préstamos, etc. que é a información máis demandada polos usuarios.

Tamén se pode descargar a Guía da Biblioteca en pdf .

Fotografías Descubre o Ceo no Milladoiro

2009-06-02T11:22:00.006+02:00

Os compañeiros do Clube Vega de Astronomía envíannos o enlace ás fotos que eles subiron ao seu Flickr.

Pódense ver tamén aquí:

Animación á lectura en Xuño

2009-05-28T12:21:00.010+02:00

Actividades de Animación á lectura: semana do 1 ao 6 de xuño

Despedimos as actividades de animación do curso 2008-2009 con contacontos e sorpresas.

Contacontos

(maiores de 3 anos)

Mércores 3 de Xuño:

Contacontos con Charo Pita e ilustracións con Xosé Tomás. Presentación do libro O Arco da vella realizado por estes dous autores.

Biblioteca de Bertamiráns: ás 18h.

Biblioteca do Milladoiro: ás 19,30h.

Xoves 4 de Xuño:

Contacontos con Kalandraka: contos a carón da lúa

Biblioteca de Bertamiráns: ás 18h.

Biblioteca do Milladoiro: ás 19,30h.

Sorpresa:

A sorpresa é algo esperado desde fai tempo… Non te quedes sen coñecela os días dos contacontos.

Planetario:

(9-12 anos)

O sábado 6 de Xuño vamos ao Planetario da Coruña:

Sáida ás 9,45 da Biblioteca de Bertamiráns

Saída ás 10h. da Biblioteca do Milladoiro

Volta ás 13,30h. nos mesmos puntos.

*Nota: só para aqueles rapaces e raparigas inscritos previamente e con autorización dos pais, nais ou titores.

Noticia na web municipal

Noticia en La Voz de Galicia

Descubre o ceo

2009-05-28T10:57:00.004+02:00

Máis información para descubrir o ceo:

Programas, planetarios e cartas celestes:
Stellarium
Cartes du ciel
Your sky: Planetario interactivo
Google Earth

Astronomía infantil:
Astronomía para nenos e nenas

Páxinas web oficiais:
Portal ao universo
Ano internacional da astronomía
Instituto Astrofísica de Canarias
Axencia Espacial Europea
NASA
Ciencia Nasa
Sociedad Española de Astronomía
Observatorio Astronómico Ramón García Aller
Planetario da Coruña

Asociacións:
Clube Vega
Astronomía na Beirarrúa

Outras páxinas con información interesante:
Astrobloguers
Astroguía
Astronavegador
Astrored
Astroseti
Kalipedia

Programa de actividades: Letras Galegas 2009

2009-05-08T19:02:00.003+02:00

PROGRAMA DE ACTIVIDADES:

Exposición sobre Ramón Piñeiro
Do 11 ao 31 de Maio
Casas da Cultura

Bicos con lingua: comedia de Talia Teatro
Venres 15, ás 21h.
Casa da Cultura do Milladoiro

Día das Letras Galegas
Domingo 17
Casa da Cultura do Milladoiro
17,30h. Acto Literario Musical: actuación da EMMA e entrega dos premios do VI Certame Literario e do I Certame Intercentros do Concello
18h. Coa palabra na lingua: Teatro Nú

Xogando coa lingua
Obradoiro para rapaces e rapazas de 9 a 12 anos
Sábado 23, ás 11,30h. na Biblioteca de Bertamiráns
Sábado 30, ás 11,30h. na Biblioteca do Milladoiro
(inscrición previa até o día 15 nas Bibliotecas)

Letras Galegas 2009

2009-05-04T10:27:00.013+02:00

Ramón Piñeiro López (1915-1990), foi a persoa escollida para homenaxear nas Letras Galegas 2009.

Escritor, filósofo, ensaísta e político galego, e un dos principais artífices da reconstrución cultural galega na posguerra.

A Biografía á que se pode acceder na ligazón inicial foi preparada pola Real Academia Galega. Pódese consultar máis información sobre o autor nos seguintes lugares:

Praza das Letras

Biblioteca Virtual Galega

Wikipedia

Desde a Biblioteca preparamos o seguinte dossier que se pode descargar para consulta

Visita ao Planetario

2009-04-30T10:00:00.009+02:00

VISITA AO PLANETARIO

O Sábado 6 de xuño visitaremos o Planetario da Coruña.

A actividade vai dirixida a nenos e nenas de 9 a 12 anos. Terán prioridade os participantes en anteriores obradoiros e os xa anotados no mes de xaneiro para esta actividade.

Será necesario inscribirse previamente nas bibliotecas durante todo o mes de Maio.

Saída desde as bibliotecas

Bertamiráns: sábado 6 de xuño ás 9,45h.
Milladoiro: Sábado 6 de xuño ás 10h.

Volta: ás 13,30h.

Información na Web municipal

Descubre o ceo: observación de estrelas

2009-04-30T10:00:00.008+02:00

DESCUBRE O CEO

Ven a observar as estrelas coa Aula da Natureza, coa Biblioteca e co Clube Vega de Astronomía, (coa colaboración do programa Astronomía na Beirarrúa da Universidade de Santiago).

De 22 a 24h. para todos os públicos.

Venres 29 de maio ás 22h. en Bertamiráns

Lugar de encontro: ás 22h. no aparcadoiro do centro comercial Carrefour.

Sábado 30 de maio ás 22h. no Milladoiro

Lugar de encontro: ás 22h. no aparcadoiro da Casa da Cultura do Milladoiro.

A actividade é aberta a todos os públicos. Os nenos e as nenas deberán acudir acompañados dunha persoa adulta.

- Pódense traer prismáticos e telescopios particulares para realizar a observación.

- En caso de mal tempo ou falta de visibilidade a actividade poderase suspender.

Información na Web municipal

Obradoiro: Xogando coa língua

2009-04-30T10:00:00.007+02:00

XOGANDO COA LÍNGUA

Obradoiro con Encontros coa fantasía para rapaces e rapazas de 9 a 12 anos: é unha sorpresa, unha forma de imaxinar, una maneira de investigar, outro xeito de xogar...

Sábado 23 de maio ás 11,30h. na Biblioteca de Bertamiráns
Sábado 30 de maio ás 11,30h. na Biblioteca do Milladoiro

*É necesario inscribirse entre o 4 e o 15 de maio para participar nos obradoiros

Información na web municipal

Contacontos no mes de Maio

2009-04-30T10:00:00.006+02:00

CONTACONTOS

Para nenos e nenas maiores de 3 anos. Todas as actividades serán ás 18h.

Mércores 6 na Biblioteca de Bertamiráns
Xoves 7 na Biblioteca do Milladoiro
Luns 18 no Local social de Augapesada
Martes 19 no Local social de Bugallido
Mércores 20 na Biblioteca do Milladoiro
Venres 22 no Local social de Aldea Nova

Información na web municipal

Literatura na praza: celebración do día do libro

2009-04-14T10:00:00.003+02:00

Con motivo do día do libro o próximo 23 de abril o noso Concello adiántase a esta data celebrándoo o sábado 18 de abril.

Os actos terán lugar na Praza do Concello de Bertamiráns.

Ás 17h.

Presentación do libro: Memorias da cidade sen luz (Premio Blanco Amor 2009) coa autora Inma López Silva e Manuel Guede Oliva
Obradoiro de ilustración con Marisa Irimia para maiores de 7 anos

Ás 18h.

Presentación dos traballos gañadores do V Certame Literario do Concello de Ames
Actuación do grupo de música tradicional Dúo Arpa céltica e violín

Ás 20h.

Clausura do acto

Exposición e venda de libros co 10% de desconto.

O alumnado de 4º de Primaria visita a Biblioteca

2009-04-06T19:59:00.008+02:00

A segunda quincena de abril vai contar coas visitas do alumnado de 4º de Primaria dos Centros de ensino municipais á Biblioteca.

Estas visitas están enmarcadas dentro da campaña do ano escolar 2008-2009: Ven á biblioteca, teremos lúas e estrelas para que leas! que pretende atraer e dar a coñecer a biblioteca a novos usuarios.

Entre os días 14 e 28 de abril estes escolares asistirán ás bibliotecas de Bertamiráns e do Milladoiro onde se lles formará no uso da biblioteca mediante actividades que lles ensinarán a utilizar o fondo bibliográfico, a buscar no catálogo automatizado e a coñecer e utilizar os documentos dirixidos ás súas idades.

As visitas serán realizadas en horario de mañá nas seguintes datas:

martes 14: CEIP Barouta na biblioteca de Bertamiráns
mércores 15: CEIP Agro do Muiño na biblioteca de Bertamiráns
xoves 16: CEIP Agro do Muiño na biblioteca de Bertamiráns
venres 17: CEIP Ventín na biblioteca do Milladoiro
martes 21: CEIP Ventín na biblioteca do Milladoiro
mércores 22: CEIP Ventín na biblioteca do Milladoiro
xoves 23: CEIP Guerra Campos na biblioteca de Bertamiráns
venres 24: CEIP Guerra Campos na biblioteca de Bertamiráns
martes 28: CEIP Guerra Campos na biblioteca de Bertamiráns

Durante estes días o uso da biblioteca será prioritario para estas actividades podendo verse afectados os demais servizos da Biblioteca.

Actividades de animación á lectura durante o mes de abril

2009-03-26T10:00:00.000+01:00

Obradoiro de astronomía:

Para rapeces e raparigas de 9 a 12 anos

Sábado 18: ás 11,30h. na Biblioteca de Bertamiráns

Sábado 25 ás 11,30h. na Biblioteca do Milladoiro

Inscricións nas bibliotecas do 30 de marzo ao 13 de abril

Contacontos:

Para nenas e nenos maiores de 3 anos

Os contacontos continuan desenvolvendo a temática da astronomía: lúas e estrelas para que leas.

Todas as actividades serán ás 18h.

Mércores 1: na Biblioteca de Bertamiráns
Xoves 2: na Biblioteca do Milladoiro
Luns 20: no local social de Augapesada
Martes 21: no local social de Bugallido
Mércores 22: na Biblioteca do Milladoiro
Xoves 23: na Biblioteca de Bertamiráns
Venres 24: no local social de Aldea Nova

Noticia na web Municipal

Actividades de animación á lectura durante o mes de marzo

2009-03-02T16:00:00.001+01:00

Obradoiro de Banda deseñada:

Para rapaces e rapazas de 9 a 12 anos

Todos os sábados do mes de marzo na Biblioteca do Milladoiro.

Horario de 11,30 a 13h.

É necesario inscribirse previamente na biblioteca durante o mes de Febreiro

Contacontos:

Para nenas e nenos maiores de 3 anos

Os contacontos continuan desenvolvendo a temática da astronomía: lúas e estrelas para que leas.

Todas as actividades serán ás 18h.

Mércores 4: na Biblioteca de Bertamiráns
Xoves 5: na Biblioteca do Milladoiro
Luns 16: no local social de Augapesada
Martes 17: no local social de Bugallido
Mércores 18: na Biblioteca do Milladoiro
Venres 20: no local social de Aldea Nova

A noticia na web municipal

Videos da Comparsa de Entroido

2009-02-27T12:36:00.006+01:00

Temos disponibles no noso canal de televión algúns dos videos da Comparsa de Entroido realizada pola Biblioteca na festa da Praza de Chavián de Bertamiráns do Sábado 21 de marzo.

Poñemos aquí un dos videos de mostra:

En Marcha:

Outros dous videos están disponibles:

Viaxes do Corazón: diario ínfimo

2009-02-27T10:43:00.006+01:00

A Biblioteca quedou pequena para acoller aos participantes na presentación do libro Viaxes do Corazón de Xosé Manuel García Trigo.

A presentación foi organizada pola Libraría Máinomen de Bertamiráns e a Editorial Galaxia que escolleron a nosa Biblioteca para traer ao autor. Unhas 100 persoas acompañaron ao autor na presentación. O acto preparado nun primeiro momento para ser realizado na Biblioteca de Bertamiráns tivo que cambiar a última hora de local ante a afluencia de persoas que acudiron ao acto. Trasladouse a presentación ao salón de actos da Casa da Culturao nde a capacidade do lugar permitiu realizar a presentación con máis comodidade.

Victor Freixanes actuou como mestre de ceremonias presentando ao autor e a súa relación con el desde o mundo da edición no que se coñecen desde fai anos. Xa o primeiro libro de Xosé Manuel Trigo, Extintos básicos, fora publicado por Freixanes en Edicións Xerais. Libro que agora se encontra descatalogado e que a Editorial Galaxia ten previsto reeditar.

Xosé María Álvarez Cáccamo, coñecido autor e amigo persoal de Trigo, foi o segundo en falar introducindo moitos dos textos deste Viaxes do corazón, poñéndonos en antecedentes coas paisaxes persoais e familiares do autor e o seu reflexo na obra.

Por último o autor Xosé Manuel G. Trigo, nun exercicio de reflexión, fixo unha lembranza das súas obras, e comentou o proceso que o levou a escribir este diario ínfimo xa que o libro agora publicado é só unha pequena parte do diario que o autor mantén desde a súa infancia. Do conxunto dos seus diarios escritos o autor escolleu para a súa publicación só o ano 2007, por coincidir cun ano difícil a nivel persoal coa morte do seu pai e o empioramento da doenza da súa nai. É polo tanto un diario moi persoal que evoca paisaxes, lugares, persoas e vivencias da súa infancia no Morrazo, de onde é natural, que enlaza co momento actual e a súa vida en Bertamiráns e no Val da Amaía.

Xosé Manuel, que durante anos foi profesor no Instituto de Bertamiráns, ten fixada a súa residencia nesta localidade e na presentación non faltaron amigos, persoas da política e da cultura, e antigos alumnos e alumnas deste profesor que mesmo lles dedicou un soneto que o público agradeceu calorosamente. O acto rematou coa asinatura da obra do autor.

A noticia na web municipal:

Xosé Manuel García Trigo presentou o seu libro Viaxes do corazón en Bertamiráns

A noticia en El Correo Gallego:

Trigo presenta 'Viaxes do corazón', "un diario íntimo" de fino humor

Os Contos de Lúas e estrelas para que leas

2009-02-26T11:55:00.004+01:00

Ven á Biblioteca: teremos lúas e estrelas para que leas!

Como saberás este curso 2008-2009, e coincidindo co Ano da Astronomía, a Biblioteca organiza sesión de contacontos e obradoiros relacionados con esta materia.

A Radio municipal colabora con nós na difusión destas actividades.

Desta maneira Divina e Bibiana, as persoas encargadas da animación á lectura, deixaron gravados algúns contos para que os ouvintes da radio poidan desfrutar das sesións de contacontos.

Queremos ofrcervos o conto A Xoaniña e a noite para o desfrutedes.

Presentación do libro Viaxes do Corazón

2009-02-19T10:27:00.004+01:00

A Biblioteca Municipal, a Librería Máinomen e a Editorial Galaxia teñen o pracer de convidarvos á presentación da obra Viaxes do Corazón: diario ínfimo de Xosé Manuel G. Trigo.

Na presentación participarán Victor F. Freixanes, Xosé María Álvarez Cáccamo e o autor.
Xoves 26 de febreiro ás 20h. na Biblioteca de Bertamiráns

Noticia na web Municipal: Preséntase o libro "Viaxes do corazón" na biblioteca de Bertamiráns

Aviso de Peche

2009-02-19T10:24:00.002+01:00

O día 24 de febreiro, Martes de Entroido,
a Biblioteca permanecerá pechada en horario de tarde

Desculpen as molestias

Obradoiro de Banda Deseñada no Milladoiro

2009-02-10T17:00:00.002+01:00

Ilda Lortes impartirá este obradoiro para rapaces e rapazas de 9 a 12 anos na Biblioteca do Milladoiro durante todos os sábados do mes de marzo en horario de 11,30 a 13h.

Para poder participar é necesario inscribirse previamente na Biblioteca. O número de prazas é limitado.

Un total de 20 persoas poderán participar da actividade. No caso de haber máis persoas inscritas abrirase unha lista de agarda por orde de inscrición.

Na Biblioteca de Bertamiráns:

23 persoas participaron do obradoiro na Biblioteca de Bertamiráns que comezou o pasado sábado 7 de febreiro e que se prolongará durante todo o mes nesta biblioteca.

As fotos ilustran algúns dos momentos de desenvolvemento da actividade.

O Blog da Biblioteca celebra o seu primeiro aniversario

2009-02-09T16:40:00.001+01:00

O 9 de febreiro de 2008 publicábamos a nosa primeira noticia (post) presentando a publicación deste blog coa intención de difundir entre os nosos usuarios as novas e as actividades relacionadas coa biblioteca.

Desde entón levamos publicadas un total de 52 noticias (con esta de hoxe). Fomos visitados 1.238 veces por 784 visitantes únicos, que pasaron no noso site unha media de 2 minutos.

O número medio de visitas por día foi de 3,30. Dous terzos dos nosos visitantes repiten a visita ás noticias do blog mentres que 1 terzo só pasou por aquí unha única vez.

Entre os nosos visitantes encóntranse persoas de países afastados como Chile ou Malasia pero, evidentemente, son excepcións frente ás visitas dos nosos asociados que son a maioría dos que acoden aquí para se informar.

O Blog contén, ademais das noticias, información sobre a biblioteca: horarios, servizos, etc, un calendario coas actividades mensais de animación, fotografías das actividades e ligazóns a outros servizos da biblioteca.

O blog permite a subscrición ás noticias a través dun lector de fluxos RSS e as persoas interesadas tamén se poden subscribir para recibir as noticias por email.

Entroido na Biblioteca

2009-02-06T16:51:00.006+01:00

Este ano participaremos cunha comparsa nas festas de Bertamiráns e do Milladoiro.

Celebrarase o Sábado 21 de febreiro ás 18h.

na Praza de Chavián de Bertamiráns e
na Praza de Manuel Murguía do Milladoiro

Continuando coa astronomía a Biblioteca acudirá disfrazada de lúas e soles.

As persoas interesadas en participar poderán anotarse até o día 13 nas Bibliotecas.

Filloas, orellas, charanga e animación na carpa.

Todas as persoas que asistan disfrazadas poderán participar no sorteo dunha Cesta de Entroido.

Volven os clubs de lectura e escritura para adultos

2009-01-29T20:03:00.009+01:00

Volven a comezar na biblioteca os clubs de lectura e escritura para adultos

Os grupos están permanente abertos a todas as persoas interesadas en participar!

A partir desta semana de febreiro comezan a funcionar de novo os clubs de lectura nas bibliotecas do Milladoiro e Bertamiráns.

Clubs de Lectura:
Na Biblioteca do Milladoiro realizaranse os mércores ás 20,30h.
Na Biblioteca de Bertamiráns realizaranse os martes ás 20,30h.

Lecturas iniciais previstas:
No Milladoiro a lectura coa que comezamos é A sangre fría de Truman Capote.
En Bertamiráns comezamos con A Pensión Eva de Andrea Camilleri
A duraración da actividade será de aproximadamente unha hora semanalmente.

A metodoloxía de realización será a seguinte: entre os participantes escolleranse as lecturas que serán coordinadas por unha persoa da biblioteca. A lectura levará aparellada información sobre o autor e a obra que despois será comentada entre os lectores.

As sesións poderán ser complementadas con actividades paralelas como cine... que contribuirán a ter unha visión máis global sobre as obras seleccionadas.

Club de escritura:
Na Biblioteca do Milladoiro continúa esta actividade que reúne, o primeiro xoves de cada mes, ás persoas interesadas nesta actividade.

A metodoloxía e libre e determinada polo grupo: escritura libre, escritura sobre un tema proposto, escritura de contos...

Actividades de animación á lectura no mes de Febreiro

2009-01-28T17:00:00.000+01:00

Continuamos na Biblioteca coas actividades de animación á lectura relacionados coa astronomía.

Neste mes realizaremos contacontos para nenos e nenas maiores de 3 anos, todos os contacontos serán ás 18h.:

Mércores 4 na Biblioteca de Bertamiráns
Xoves 5 na Biblioteca do Milladoiro
Luns 16 no Local Social de Augapesada
Martes 17 no Local Social de Bugallido
Mércores 18 na Biblioteca do Milladoiro
Xoves 19 na Biblioteca de Bertamiráns
Venres 20 no Local Social de Aldea Nova

Entroido: a Biblioteca participará cunha comparsa nas actividades organizadas polo Concello para o entroido. As persoas que desexen participar deberán inscribirse entre o 2 o 14 de febreiro nas bibliotecas.

Os rapaces e as rapazas de 9 a 12 anos poderán participar nun Obradoiro de Banda Deseñada que se realizará na Biblioteca de Bertamiráns durante todos os sábados do mes de Febreiro en horario de 11,30 a 13h. (é necesario que os participantes estexan inscritos previamente: o prazo de inscrición é durante o mes de xaneiro na biblioteca de Bertamiráns).

O obradoiro será impartido por Ilda Lortes Gómez, profesora especialista no tratamento da Banda Deseñada no ámbito educativo.

Esta mesma actividade repetirase no mes de marzo na Biblioteca do Milladoiro, estando aberto o prazo de inscrición durante todo o mes de febreriro.

Noticia na web municipal: Contacontos e obradoiros de banda deseñada para animar á lectura no mes de febreiro

Estatisticas da Biblioteca ano 2008

2009-01-20T12:00:00.004+01:00

Fondos: no ano 2008 foron incorporados 1.937 novos documentos o que fai un total de 22.270 documentos a 31 de decembro de 2008 o que significa unha media de 0,82 doc./habitante.

Usuarios: o número de usuarios permanece estable desde o ano 2007 xa que se procedeu, a comezos dese ano, a eliminar os usuarios que non actualizaron os seus datos desde o 1 de xaneiro de 2005. Os usuarios non son eliminados fisicamente da base de datos senón que se recuperan os seus números de asociados para os novos socios. Isto quere dicir que o número de socios mantense pero é máis real xa que os que figuran son socios activos. O número de persoas asociadas é polo tanto de 4.057.

Empréstamos:

Número de empréstamos: 20.316

Préstamo por habitante: 0,75 doc./hab.

Préstamos por usuario: 5 doc./usuario

Visitantes:

Durante o ano 2008 a Biblioteca foi utilizada por 47.258 persoas.

Consultas ao catálogo da Biblioteca:

Con respecto ás bibliotecas municipais da Rede de Bibliotecas de Galicia: no ano 2008 foi a 2ª biblioteca co catálogo máis consultado con 310.722 consultas.

Noticia na web municipal: As bibliotecas municipais foron empregadas por 47.258 persoas durante 2008.

Noticia en El Correo Gallego: Más de 47.000 usuarios en bibliotecas de Ames

O Ano da Astronomía na Biblioteca

2009-01-15T10:00:00.002+01:00

O pasado mes de Novembro realizamos un Obradoiro de Astronomía nas dúas bibliotecas. O programa A Revista da Televisión de Galicia interesouse pola realización do obradoiro.

Disponibilizamos o video para que poda ser visualizado a través do noso blog e aproveitamos para presentar o noso canal de televisión no Youtube: http://www.youtube.com/biblioames

Primeira Parte:

Segunda Parte: